A thiam taktak ko. Rak hneksak ve tuah! atu na zoh dingmi mitleh asi i, ttha tein rak zoh law na khuaruahhar ngai ve ko lai, zeitindah asi khawh na ti ve men lai. Tha tein rak zoh ve. Zoh ulaw video chung hmanh ah hitluk hin a thiam ah cun a tak ah cun a thiam taktak ti a fiang ngaingai ko.

A min hi Roland Thang Fawmbawl ti asi i, amah hi mino te a si ko nain, zohchun awk tlak le bochan awk tlak taktak asi. Mino te asinain a ruahnak a kau taktak, theihhngalh a ngei taktak. Cun a ruahnak a idea zong a ttha ngaingai fawn. Mipi a lawmhter ngaingai tu asi. Tutan kan von tarmi nih minchiat duh ah kan von tarmi asi hrimhrim lo. Cucaah comment chiachia kan tuahpiak hram hlah uh! tiah kan in nawl hna.

Billy Graham thawngtthabia in thazaag rak la tthan ve. A chimmi hi ruah awk tlak taktak asi. Pathian Kan Zumhmi San A Tlai Ti Maw: Billy Graham Bialehnak: Biahalnak: Nihin i Pathian kan zumhnak ah zeidah thathnemnak a um ti? Vawlei hi a buai chin lengmang i, kan him chin lengmang ti lo. Pathian kan zumhnak zong nih a kan himter deuh hlei ti lo; zeihmanh nih a kan himter deuh hlei ti lo. Zeidah Pathian kan zumhnak san a tlaihmi a um? 

Rev. Billy Graham: Kan vawlei hi a buai tuk cang ruang le kan him chin lengmang ti lo ruang ko cun pei Pathian cu kan herh chin lengmang fom cu! Vawlei hi a tlingmi le buainak le harsatnak ngei loin a ummi si seh law Pathian hmanh hi kan herh hnga lo. Nihin bantuk kan caan chia ahhin Pathian kan herhnak a zual chin lengmang cang.

Hitihin ka chim lai, Pathian kan zumhnak ah daihnak le himnak kan hmuh lo ahcun khawika hlei ah khin dah kan va hmuh ti hnga. Aho dah kan va fuh hlei lai? Khawika hmanh ah kalnak le fuh ding kan ngei lo. Kan nunnak hi vawleicung thilri le minung sinah kan chiah sual ahcun Jesuh nih a chim bantukin mihrut pa bantukin thise cungah inn a sami kan lo lai. 

Ruah a sur tik le thlichia an hran tikah a tlu colh lai’ (Matt 7:27). Cucaah daihnak, ruahchannak le himnak an pek khotu Pathian hi mer tak hrimhrim hlah. Jesuh Khrih ah fek tein na zumhnak chia lengmang law Amah i bochan lengmang ko. Midang nih cun an in deuh men lai. Asinain Jesuh nih cun an deuh bal lai lo.

Jesuh Khrih he nun ti hi na nunnak hmuitinh sangbik ah chia zungzal. Pathian sinah thlacam lengmang, Bible rel lengmang law na Khrihfabu chungtel he hawikawmhnak ngei lengmang. Bible nih vawleicung le a pumsak duhnak vialte cu an lo dih lai, sihmanhsehlaw Pathian duhnak a tuahmi hna cu zungzal in an nung’ a kan timi hi zeitik hmanh ah philh hlah! (1 John 2:17).