Zing Te nih Min Aung Hlaing a that khomi paoh nih nan ka ihpi lai timi kongah amah hmurka le a posttu leiin fianternak an tuahmi rak than: Amah Zing Te nih a chimmi cu,”Hello everyone. Ca ka post mi ruang ii Ram leng le Ram kip tiang i a ka post tu le,a ka chim chiat mi hna nan za te cung ah ngeih thiam kan hal hna. Ka tial mi ca hi an tial dan zawng in a dik loh Cun ka lungtak i ka tial mi a fawn loh.

“Cun Chim ka duh mi cu Chin Knowledge Media pol le Ram leng Chi Media pol hi bia le ca nan hlet tik ah a dik maw dik lo hlet hma sa uh ca hmuh cawlh le thil hmuh cawlh khin post va hmang hlah uh. Minu pa khat le Mipa pa khat ah a phun phun in thil hi ruat fawn hlah uh Media ih nan tar tik ah Minih thang chiat nak in an hawl then khat nih cun an thang that nak hna zawng a um ko lai. Kan duh nak lawng in thil hi i tim hna hlah Usih.

Zing Te Nih Min Aung Hlaing That Kho Nih Nan Ka Ihpi Lai Timi Konghe Pehtlai In Fianternak: Kan farnu a mithli a tla, amah hi capo a huam ngaimi a si i minun ttha a si, tiktok te hna a tuah i capo in zeitluk indah miphun ka dawt ti langhternak ah Min Aung Hlaing kong le kaa pumpe a timi kongah mipi sin fianhnak tuah kan duh. Atuahmi le a chimmi kha a fawinak cun non-genetic a si.

Zing Te kongah Media ngan pakhat si mi ai palh cikcek i, kawl in a thlah tu zong an i palh pinah an ca a let chintu keimah zong kai palh. Nong Genetic means a neilo mi kha an ttial i kan leh sual. Hi ca te hi a dongh tiang rak rel ve hram law na fiang ko lai. Zeihmanh asi lo mi kha biapi ah an chuah piak bia tu a si. Capo in ka tial a ti i rau lo te zongah a delete tthan ko.

Hi konghe pehtlai in keimah pumpak he kan i chawn, a ngaihchia i a mithli a tla, kei nih ka lakmi le ka laknak sources hi pahnih a um i pakhat hi ka fiang deuh lo kawl in an ttial, pakhat tu cu Chin Knowledge media ttialmi a si. Fianhnak tuah tikah ka cabia nih a tlinh lo sual ahcun ka ngaithiam uh, capo nak men in tialmi kha biapi pa ah an chuah cucu media ngan an si ve tikah ka ttial chinmi a si.

Zing Te hi tiktok te hna a tuah tawnmi a si, Singapore ah a um i mifel te a si, Facebook chung te hna i ca a thlah zongah ai fim kaan tak tak mi te a si. Cu lio ah kawl ralkap nih kan ram uknak an lak tikah a thinlung a kekkuai i a celh ve hrim lo, kan umnak hmun cio in kan celh lo i a phun phun in biachia holhchia he kan zai in kawl ralkap kan volhpamh hna.

Cu bantuk in mi tampi nih capo biatak in Min Aung Hlaing a that kho tu cu ka ram ramcheu kan pek hna lai i ka fanu kan pek hna lai tiah an ti, a tthen nih ka darling hmanh kan pek hna lai tiah lungfah tuk lungin capo biatak phun in an phuan cio. Cu bantuk in Zing Te zong nih a celh ve lo ruangah capo in a van ti ve.

Cu Zing Te nih hin kawlnu pakhat nih a van ttialmi copy in a van i capo nak a si, asinain sources 2 nih Zing Te hmurka in an van chim tikah Zing Te cu mi tampi nih an thangtthat lio ah tampi nih an soisel i a hawi le zong a chungle zong nih pumpak in an sik amah nih cun “ziah kawl nu tialmi capo in ka copy mi pei si ko cu” tiah a ti ve. Mah belte te careltu dihlak nih cun Zing Te nih ram chung buainak a siaherh tuk ruangah le kawlnu catial aa copy timi kha an theithiam ti lo.

A donghnak ah keimah nih Halkha holh bak in a let tu zong nih Zing Te sinah ka lungtthatlonak kan chim. Lai/Chin mi hna nih ca kan leh tikah mirang kawl or viral news pawl le breaking news hi kan dawi tawn an tialmi pinah chap mi le phuahchommi cabia pakhat hmanh kan tuah lo ti kha mipi nih nan i fian a hau. Telegram hmanh ah atu tiang Donald Trump nih teinak a hmuh timi capost hi rel cawk lo in a um rih.

Chim duhmi cu Laimi nih ca kan ttial/leh tikah sources neilo in kan let lo i hi cu rihchan awk a tlak timi khi kan leh tawn. Tutan zong Zing Te kong kan tial tikah kan leh chinmi a si. Mah belte cu sources nih aa kan hlen kan ti lai cu, cun amah mualphoh an duh zong si kho men. Cu caah Zing Te nih a tialmi hi capo a si, kawlnu tialmi a si kan ti cang khah, a ruah zia kan thiam hram uh. By Salai Van Lian (Vuichip News)

World Bank nih SAC sin ah tangka thohnak nawl phihchung na si, tiah a thanh. The World Bank nih State Administration Council (SAC—Media ngan mi nih cun, Ralkap Council or Nawlngeihnak latu Ralkap Cozah) tiah an auh mi cu tangka thohnak nawl phihkhar chung na si, tiah February 22 ah khan ca a kuat cang i cucu Social Media ah a puanglang.

SAC nih Planning and Finance Minister thar ah rian a pek mi U Win Shein le Ministers dang hna sin ah copy pek in tangka thohnak nawl an phihkharnak kong World Bank nih ca a kuat hna. Cucu, Nay Pyi Taw Planning and Finance Minister Zung in Officer pakhat nih a dik mi thawng a si ko, tiah a fehter.
February 22 ah SAC nih P&F Minister U Win Shein sin ah Word Bank in Cambodia, Myanmar le Laos ram hna Country Director a si mi Mariam J Sherman nih ca a kuat mi a si. February 1 te khan World Bank kan policy nan buar ca ah cu hlan kan in kuat mi hna zong a herh tuk mi lawng ah hman a si lai. Simanking ah hman lo ding mi tangka cu kan laak than dih lai,” tiah ca a kuat.

“World Bank he rian tampi tuan mi kan rak ngei. Khuate thanchonak rian pin ah thanchonak rian dangdang zong tampi kan rak tuan. Cucu, NLD Cozah chan ah khan a si. Asinain February 1 in phihkhar than a si tik ah tangka zong thoh khawh a si ti lo. Hmailei ah thanchonak riantuanti ding zong a um ti lo. Tangka zong cawi khawh a si ti lai lo. Phundang cun, SAC hi World Bank nih an cohlanglo tinak a si ko,” tiah Nay Pyi Taw um P&F Minister Zung Officer pakhat nih a chim. (Ref: Khit Thit Media) The Hakha Times

By Salai Lairamthang: Tulio Kawlram CDM cawlcanghnak nih vawlei pi a hninh ti awk a si. Vawleicung media kip nih an chim an tial. Sikan an ngeihning an i ttanrual ning an ralthat ning chun ah sandah an piah zan ah kiam an cong. An tha a ba hrimhrim lai. Inn duah, motor khangh- thilfir le dawr bauhmi pakhat hmanh an um lo. Black Lives Matter (BLM) cawlcanghnak cu an tei cikcek hna. 2021 Nobel Peace Prize zong an ngah lai tiah zumhnak ka ngei.

Atu bantuk caan i CDM a lut duh lomi pawl cu democracy le federal kan ngah tik ah an ningzak te hnga dek maw? ramleng ummi hna nih kanmah le kan ti khawh tawk cio in bawmh khawh i zuam hna usih. Zahan zan Hakha mino pawl an cawlcanghnak le an ttanrualnak ka hmuh ah ka lunghmui taktak khi a si. Upatnak ka pek hna.

Relchih: Avoi Thumnak Stimulus Check! President Joe Biden nih Coronavirus ruangah harnak a tongmi hna chanhchuahnak caah $1.9 trillion Covid relief bill cu tuzarh friday ah hin house an an vote lai i, an pass lai tiah zumh a si. Mah bill cu The House Budget Committee nih cacawn nikhat ni ah khan vote 19-16 in an cohlan hnu ah House ah an chuahpi khawhmi a si. Mah bill chungah minung pakhat $1400 cio hmuh dingmi a tel.

Rian ngei lomi hna Unemployment a eimi hna nih zarhkhat ah $400 lengmang an ngah lai. Minung pakhat nih sumilam pakhat hlawhman cu $15 pek dingmi zong a tel. Mah chungah hin nau thah le nau hrawhnak le phungning loin US ah a lutmi hna zong nih co dingmi a tel caah Republican pawl nih senate ah an kham khawh men ti a si. Congress nih an pass khawh ahcun March thla canceo hrawng ahcun minung pakhat nih $1400 cio ngah than a si te lai.