A tu ni Yawkee Hrang ah funding caah ka share mi ruang ah a thin a hung mi a tam tuk nan um. “Zei ruang ah a mah min thang cu kan hlut lai” ti in comment ah tial a si. Yawkee hi top 5 ah a tel khawh nak hi mindet khua mi vial te, mi si fak khua an si ko nain an si khawh tawk in vote caah bawmh nak an tuah piak. Top 5 ah a tel ve ko nain top 5 a tel mi chung ah hla sak ah auh a ngah lo bik le, mi nih neh sawh bik le Zei ah rel lo bik le, Phaisa lei zong ah si seh Zei hmanh a tlam tling lo bik a si. Tan Khun Kyaw, Mooler, Esther, Benjamin te hna cu an fan pawl nih sui he Phaisa he an thenh hna nain Yawkee cu a fan pawl kan tlam tlin lo tuk ruang ah Zei hmanh Kan tuah piak kho lo.

Tan Khun Kyaw hi a fan pawl nih mawtaw pakhat cawk piak nak Ding si sin an nei ii a tu hi February thla chung ah an cawk piak cang lai, Phaisa an khawmh mi a za cang. A tu zong tan Khun Kyaw he inn hlan nak zong ah tan Khun Kyaw a admin pawl nih khua an khan dih mi a si. Mah tluk in bawmh awk a ngah lo bu te in Yawkee cu a ni kho rih, a fan pawl kha “Kei mah a ka khamh tu” a ti hna. Mah a zia za te ruang ah hin Yawkee hi Kei mah hrim nih ka zoh tlak tuk.

A tu fund tuah mi hi, mindet a si ve mi a Facebook Billy Aung Thang le matu a si mi a Facebook Matunu Mc Mc, Yangon ah a um mi nih an thawk mi a si. Upa pawl nih funding caah Zei Kong hmanh an chim lo caah, an nih hngakchia deuh nih an thawk mi a si. Phaisa hi a fan pawl nih thawh khawh chung kan thawh lai ii a si khawh cun apartment pakhat si lo le mawtaw pakhat khat cawk piak ding tin an ti.

Yawkee nih a fan pawl nih surprise laksawng pek nak kan nei ti mi hi a theih ko nain inn le mawtaw kong cu kan chim lo. A nih cu mi hmai a zoh tuk mi a si caah a duh lai lo ti Kan ruah caah. Kawlram lei a um mi funding hi cu an mah nih an tleih. An pahnih in hin Yawkee Myanmar idol a zuam kaa te in ticket zong si seh fan meeting a tuah mi an si. Facebook group chat ah mah Kong an ceih ka hmuh tik ah, Kei mah Paris SangBawi nih ram dang a um mi a fan pawl funding pek an duh ve sual ah ka ti in mah GoFundMe hi ka tuah mi a si.

Kei mah cu hngakchia te ka si ko nain Yawkee caah upa deuh nih Zei hmanh an tuah piak lo caah Kei mah nih ka tuah mi a si. Mah hi $15000 ngah nak Ding ah kan ii zuam nain a tu tiang cun $320 lawng kan hmu rih. Mah hi $15000 hrawng a tlin ah Kawlram lei ah ka kuat hna lai ii, Billy Aung Thang le Matunu Mc Mc nih apartment a si lo le mawtaw cawk nak ah khua an khan te lai. Phaisa a hlei mi hi Yawkee Min in bank card ser ii a mah pek ding ah kan ii zuam mi a si.

A tu Billy Aung Thang le Matunu Mc Mc zong hi kawlram ah siang inn kai lio mi an si ve ko nain Yawkee an dawt tuk lung ruang ah caan mah ban tuk hi an pek piak. Yawkee hi mindet, chin mi a si ve ii mindet lei cu a har sa mi khua an si. A nih hi Khrihfa a si ve. Top 4 a tlak hlan ah Kei mah a ka chimh mi cu, “Ka far nu, Ka tlak zong tlak lo zong ah ka nuam peng ko lai ee Zei ca ti ah cun Pathian khua khan nak a si ko, a tu top 5 tiang hmanh ka kai mi hi Pathian thlawchuah a si” a ka ti. Mah a chim ah hin ka ngeih a chia tuk.

Mi nih caa tha lo an kuat “na mui a dawh lo he, na niam he” an ti nain a ni peng, a nuam peng. Kei mah hmanh mi nih a tlawn pal a kan ti ah ka thin a hung. Yawkee nun zia za hi a tam pi cawn ding a si. A tu zong hi mindet lei nih cun an tuah piak khawh mi cu a tam pi cu a um lem lo. Fund ah a tel kho mi nan um cun zaangfah tein rak kan tel piak ve uh. Nan ii tel khawh lo cun, zaangfah nak tein comment ah caa tha lo kan tial piak hlah uh.

Kei mah ka min cu, Paris Sangbawi. Indiana, USA ah a um mi ka si. Ka nu cu Thau mi, ka pa cu falam mi a si. Siang inn a kai lio mi ka si rih ko nain Yawkee caah a tha bik in zuam nak ka nei. Ka lawm. Credit: Paris Sang Bawi