Hi Video Lainu Sui Bo timi nih a tuahmi a si i hihi capo biatak phun in an tuahmi a si ṭheo lai tiah ka ruah. Asinain hi ruah ngaingai a haumi thil pakhat a si. Chinmi/Laimi a tam pa cu chungkhar rian hi nu le pa rian tiin kan thleidan dih ngawt hna. Hihi ruah ngaingai a hau tiah ka ruah.

Cheukhat pasal le bang hna cu nupi le an zawt a zual deuh lo ahcun an lu menmen le an taklinh menmen zongah chungkhar rian chawn kan tim hna loh hihi a ṭha lo ngaingai a si. Rawlchumh ti zongah siseh adangdang rian zongah siseh nu a si tiin kan ti awk a si hrimhrim loh. Zeitluk in dah chungkhar rianṭuan hi a har ti na theih lo caah a si.

A nih cu rianṭuan lo cuteh ti hlah! Na nupi rianṭuan sehlaw nangmah nih chungkhar rianṭuan law rawlchumh hmanh na tlamtlin lo kho men lai. Fale rawl pek ahau thil neknawk tuah ding ahei tamning cu lioah nu bik cu thaizing zeitindah a si lai tiah a phakmi lomi thaizing caah alungreithei. Asinain cu bantuk tiangtiang khua a ruat kho lomi pasal le kan tam ngaingai.

Atu lio cu lockdown cio i cu chungah Sui Bo timi lainu pakhat nih a sermi rak zoh ve hmanh! Lainu pawl ca ko ah idea ngai a si. Sui Bo a hawinu pakhat cu Lockdown chung i an pa rian a ṭuan lo bu zongah rawlchumh ti khin a huam lo ruangah ahawinu nih cun Sui Bo cu ruahnak a rak hal i a Sui Bo nih ahawinu cu izawt ter i chung i tlikter dingin a ti. Vidoe ah tling deuh rak ngai. VIDEO hi rak hmehpiak.