Lainu Dawt Ṭha Sung Nih Laipa Pawl Cu Zungzal Ka Pasal Si Dingin Ka Ṭih Hna A Ruang Cu

Hikong hi ṭha tein Laipa pawl nih nan/kan ruah a herh tiah ka ruah. Hihi kanmah ruahnak in kan ṭialmi le kan thlahmi asi hrimhrim lo. Thil sining kan dothlat hnuah kan von tarmi le kan von ṭhlahmi asi. Lainu hmurka tein kan theihmi te kan von tarmi asi caah comment petu nih ruah ciaumam tein comment nan peknak lai kan nawl fawn hna.

Ka min hi Dawt Ṭha Sung asi i, hihi keimah pumpakin ka tonmi te kan von ṭialmi asi. Laipa pawl nih nan duh ahcun ka hua ko uh! a hmanmi te ka chimmi asi i, hibantuk hi  na si ve sual ahcun na duhning rak i remh ve cang. Atu i ka ruahmi te cu Laipa pawl cu pasal ṭha patling cu nan si ko nain, pasal ding taktak hin cun kan ṭih rih ko hna.

Kum 17 ka si i Hakha sianginn ka kai lioah darling/duhmi ka rak ngei ve. Kan i duh hlanah cun a fel taktak ding khi a lo. Upat awktlak bak asi tiah ka rak ruahmi asi. Kum 1 hmanh kan i duh manh lo thla 3 hrawng kan i duh in kan ṭhen cawlh. Aruang cu zeidang ruangah siloin nupa sinak hmanpi a ka timh i a hal peng. Pasal ka ngeih hlan cu thianghlim tein um ka zuam pengmi asi caah ka duh lo. Ka darling cu a ruahchanmi ka pek khawh lo caah kan i si i, a donghnak ah kan i ṭhen.

Kum hnih a rauh hnu kum 20 ka si in duhmi cu ka ngei ṭhan. Anih zong cu ka ruahning bang a rak si ve hoi lo. Kum 1-2 hrawng kan i duhin kan i ṭhen ṭhan. Ahlan i ka darling ṭhing bantuk asi ve. Sualpi rumro a ka timh. Cucaah ka ruahmi cu Laipa hi cu an sining fiang cikcek in kan theih hnu hna hmanh ahhin zungzal ka pasal ca si dingin cun ka ṭihziar rih ko hna tiah aa chim. Nu kan sunglawinak cu kan thianghlimnak hi asi caah, hmalei kan pasal ding caah zumh awktlak tein um hi ka zuam zungzal mi asi. Cucaah Laipa pawl nan zia i ṭhinh cikcek uh! Lainu hna zong nan tla ti lo ti hi tiah Dawt Ṭha Sung timi nu nih aa chim.

Note: Hi cabia hi Copy& Paste tuah in Website dangin tthlah kan siang lo.