Lainu Dawt Ṭha Sung Nih A Biaṭhli Vialte a phuan dih cikcek Ṭha Hoi Ai Uar A Um Taktak

Lainu Dawt Ṭha Sung nih pasal caah a duh phun le a uar phun a biaṭhli vialte a phuan dih cikcek. Laipa pawl nih cun nan theih hrimhrim awk asi. Lainu pakhat nih hibantuk in a chim tikah hin hibantuk ziaza a ngeimi hi Lainu an duh phun le pasal i an duh phun asi ti theih khawh asi.

Ka pasal caah ka phun cu a pakhtnak ah Pathian a theimi a ṭihzahmi le a hrinṭhanmi hi asi. Cun zeitluk in dah a rum ti leinak in amah tha le zaang tein le amah kut ke tein a hmuhmi ah a lawm khomi le nu le pa nih cawm chawm siloin amah tha le zaang tein a dirpi khuasak tuntuk a thiammi hi an sunglawi deuh.

An fimnak le an thiamnak kha caah aherhmi asi lo. An fimnak le an thiamnak hi keimah caah cun a herh bik ko. Cu nakin cun keimah a dawtu Pathian a ṭihzahmi mi dawtzia a thiammi a si ah cun cucu a za ko tiah a chim.

A pumrua mui le sam ka zoh hrimhrim lo. Khuasak a thiammi le a nun ziaza a ṭha mi zohchun awk tlak le zumh awk tlak tein a nungmi le biachim holh rel a ralring mi hibantuk kei ka caah cun a za ko. Nikhat ah nazi 24 chung ka caah pek hau lo i, a rian a off caah maw, siloah a manhni caan te ah ka caah zumh awk tlak tein a ummi hi ka duh bik ko hna.

Rianttuannak ah thil puan ttha le dawh he a kal pengmi nakin cun caan hman athiam i hnawm belbulin a um ko zongah a rian ah a teimi ka thim deuh hna. A capo ngaimi chaw le va tampi ngei ruangah midang ṭihzah loin mi nehsawh a hmangmi mi cungah biachim holh a sum lomi le innpa chaktlang hnahnawhnak petu pa cu ka thim nemamam hna lai lo. Cu nakin cun a sifah hmanh ah, mi toidor le mi nunnem, midang caah le innpa chakthlang caah hnahnawhnak petu siloin innpa chakthlang caah ṭhathnemnak a chuahpitu le lung a lawmter nun zia dawh asi ah cun cu pa cu ka thim deuh.

Ka pasal ding cu minthangpi le mipi theih ah a mi lar a si thengtheng hau lo. Nupi le fa le a cawm keng khotu le fa le ttha tein a zohkhenh khotu asi ah cun za ko. Chung le khat i bochan in le mah nih kawl ttuan huam ve ttung lomi um tthlawlh in a ummi pa cu ka huat phun bak an si. Mah kut ke tein a dirmi, mah le thazaang tein dir a timmi pa ka thiam deuh.

Mi sifak si ko hmanhseh, biatak a ttanhtu le miding felmi asi ah cun cu pa cu ka caah a sung tuk hirnghran. Thil puan ttha le dawt zimziam tein um ttung i midang caah mi luakchuak asimi le keimah timi lungput ngeih in midang ṭhatnak hmuh a thiam ve lomi keimah bia in biatlu seh atimi cu kei ka caah cun ral bantuk an si.

Mui le sam ah ka buai lo. A ruang cu ka pasal ding cu miphun dang, ramdang pa asi lai lo ti ka fiang tuk i, keimah bantuk, ka miphun pa te asi lai. Midang nih zeitin an kan ruah lai timi zei ah ka rel lo ka zei lo a ruang cu anmah caah ka ngeihmi si lo i keimah caah te asi ko caah keimah mit hmuh ah le keimah nih a tling ka timi cu ka caah a ṭha bikmi asi ko. Dawt Ṭha Sung

Note: Hihi nungak Dawt Ṭha Sung nih a pasal ca dingah a uar phun le a duh phun aa chimmi asi. Kanmah ruahnk asi hrimhrim lo. Cucaah laipa pawl nih i theih hna usih law nun i remhnak tu ah hmang hna usih!