“Hi pa cu a thlarau kha Bawipa Ni ah khamh a si nakhnga a pum cu hrawh awkah amah cu Satan sinah khan pek awk a si, ka ti” Mah Bible chirhchan in kan Evangelist le Pastor te nih a pingpalo in an i tlaih i “Khamhnak a hmu cangmi cu sualnak a tuah zongah a khamhnak cu a sung lai lo, a pum belte cu Satan kut ah ap asi lai i a thi lai” Cheukhat Crusade atuahmi Saya pawl lebang nihcun Crusade chung i a piangthar (Hrinthan) kho lomi pawl kha SATAN KUT ah an ap hna.

(Țahchuak an si). Mah hihi kan Lairam Khrihfa chungah a laar tuk i, zei bantuk sualnak tuah zongah kan thlarau cu khamh asi ko lai i, kan pumsa bel te cu Satan kut in a thi lai an ti. Cucaah cun hna ngam ngai in sualnak tuah zong an tih ti lo. Mah theory nih hin Laimimi Khrihfa an kan hrawh cikcek cang. Mah. a chimtu Evangelist le Pastor te zong hi “Thlarau Thattu an si” ..1Kor 5:5 nih zeidah a chim mi asi? Bible nih a chim duhmi kan fiah lai. Mah Misual Pa kong fiannan dingah 1Kor 5:1-13 a dongh tiang rel a herh (See context)

KHRIHFABU IN CHUAHNAK KONG ASI. (1) Mah pa hi a pa nupi (anu) he sualnak a tuah mi asi (5:1) (2) Khrihfabuu chungin chuah awk asi (5:2) (3) A thiangmi Khrihfabuu chungah mah bantuk Misual hi Khrihfabu chungin chuah ding asi tiah Paul nih biachahnak a tuah.(5:3-4) (5) Khrihfabu cu thilnu cawlomi changreu asi i, Mah pa hi Sualnak Thilnu hlun asi. Thilnu nih Khrihfabupi (a ning pi) in a thawhter (a hrawh khawh) caah Thilnu hlun cu hlonh ding asi. Khrihfabuu in chuah ding asi (5:6-8) MAH PA HI MI HRINTHARMI ASI LO.

KHAMHNAK A CO CANG MI A SI LO. Kan theih awk ah a biapi tuk mi cu “MAH PA” hi Khamhnak a co mi (Mi Hrinthanmi) asi lo. Khrihfabuu chungah um ve ko i, Khrihfa ka si aa ti ve mi sawsawh asi (Professed Christian asi). Khrihfabuu chung i “SUALNAK THILNU” asi. Sual Thilnu cu Khamh asi lo tinak asi. (5:6-12). Sualnak Thilnu nih a chim duh mi cu Khamhnak a co cang mi asi lo. A phung nen Khrihfa a si.

1KOR 5:5 CHIM DUHMI HRILH FIAHNAK. 1Kor 5:5 kan zoh tikah a biapi mi biafang PATHUM kan hmuh khawh..cucu kan hrilhfiah lai. (1) SATAN KUT AH UP. Satan kut ah ap ti a duhnak cu “KHRIHFABU LENG AH UM” tinak khi asi. Vawlei hi Satan kut ah aum i Satan nih a uk mi ram asi. Satan cu vawlei pathian asi(Jn14231, 14:30, 1John 5:9, 2Kor 4:4, John 17:15, 1Tim 1:20) Satan kut ah up ti a sullam cu Satan kut ah aum mi vawlei (Khrihfabu lengah) ah chuah ding tinak asi.

(2) A PUM (TAKSA) CU RAWH AWK AH (DESTRUCTION OF THE FLESH) Hrawh (destruction) biafang nih THIHNAK a chim duhmi asi lo. Greek ( Olethros) nih a timi a sullam cu HAVOC “Harnak, rawhnak nganpi, vanchiatnak nganpi (ဘေးအန္ဒာရယ်ကပ်ဘေးဒုက္ခ) tinak khi asi. (Apum nih harnak le rawhnak nganpi tawng awk caah Khrihfabu in chuah ding tinak a si. (3) A THLARAU KHAMH ASI NAK HNHA. (HE MAY BE SAVED)

Bawipa ni ah a thlarau khamh asi nak hnga ati. Mirang zong nih He MAY save ati. Khamhmi asi rih lo. Khamh a si nak hnga ti asi i KHAMH mi asi rih lo. “KHAMH a va si te nak hnga SATAN KUT (VAWLEI HARNAK) ah up (um seh) ding ti asi. 1KOR 5:5 NIH A CHIM DUHMI SULLAM CU HIHI ASI.

“Mah Misual pa kha nan Khrihfabuu chung in CHUAH ulaw Satan ukmi Vawlei ah Up lawlaw ko u. Satan kut i ukmi vawlei ah HARNAK le FAHNAK NGANPI a ton tikah “AA NGAIHCHIH” ahcun Bawipa Ni ah A thlarau tal cu khamh a va si te hnga…… Tinak asi. Khat lei in kan chim ahcun..Nan buu chungin chuah ulaw Satan ukmi vawlei ah HARNAK le SIFAHNAK nganpi va tong seh. Harnak le sifahnak a tong ruangah A sualnak tal i ngaihchih sehlaw Bawipa ni ah a thlarau khamhnak tal va hmu te ko seh tinak asi.

DONGHNAK khamh a tlau le tlaulo ka tial duhmi asi lo. Bible Biatak kan chimmi asi. Bible a pingpalo in kan lak caah Laimi Khrihfa kan rawk tuk cang. Lairam ah Pathian pennak (uknak) tluang cang ko seh. Laknak: EXODUS-Chuahnak Lam