Laimi PaThian riantuan ka si a ti i buai a huam tuk mi le michiatnak kawl a duh tuk mi le keimah bia lo cu biahman ansi lo tiah a ti mi pawl caah. (Tlangtar : Ho duh nak in dah Pathian lam kal tu nasi / Khrih lam kal)..

Paul cu Khrih Jesuh lam kal a si mi hi amah duh nak si lo in Pathian duh nak in asi, amah Pathain nih Jentle mi hna sinah thawngtha chimtu ah a ka thim keimah duh si lo tiah atial. Efesa : 1 : 1, (Pathian duh nak in khrih lamkal asi mi keimah paul nih) mahtiaglawng si rih seh sau la caah…1..Pathian duh nak in Pathain riantuan / lamkal na si maw ?

Lairam ah Pathian rian tuan tu cu kan khat, pastor an um evangelist an um i aphunphun in Pathian raintuan tu hi kan um pekchan nak zongin thlacam nak zong in aphun hi chim cawk arak si hrim lo, asinain, Pathian riantuan Pathian lamkal kan simi hi a ho duh nak in dah asi ti hi abiapi taktak mi asi, micheu khat cu pathian duh nak si tung lo ah mah duh nak in Pathian lamkal / Pathian rianttan kan si, cu bantuk minung hna cu zeidah an tuah?

1.. Phaisa hmuh nak lawng an kawl , kan lai ram ah thlarau tlau tleihcawk lo antampi ko na tein, phaisa ruah ah ram dang kip kha phak khawh an i zuam, cun phaisa hmuh nak ah mah hlawk nak ah Group kip ah a herh lo mi bia biatak si tunglo mi anthlah, cun mi bia el nak le a nih khi zeitin dah ka tei khawh lai ti lawng an i zuam mibia an i hrawm duh loh , Pakhat kha a bia tla deuh an tui piak deuh le an thin rak hang anmah thangthat lawnglawng kha an duh, mithatnak an hmu kho lo.

leng lei le zoh nak cun van mi an lo nain an chung nun taktak cu, canghngia hrang ansi, cubantuk mi nung hna cu, Pathian duh nak si lo in mah duh nak in khirh Jesuh lamkal rian a tuan cuahmah mi cu an si, Laimi Pathain rian tuan hna i check deuh hna usih, Kan Pathian riantuan dan hi Bawipa teh a lawm hnga maw, pastor cheukhat zong hringthan tung lo ah Pathian chiti thuh mi ka si kan ti i Khrihfabu cu kan hruai thlarau lei an than khawh lo ah kan hei zai rih, ziah hme an than khawh hnga Pathian riantuan tu pawl hi hme, Pathian duh nak/Pathain duh ning silo in mah duh ningpaoh in rian kan tuan cu, Cheukhat le bang cu Thlarau tlau tleih i tim lo in phaisa tleih kan tim, zeitin hme khua kan thlen khawh lai ram kan dam ter khawh lai.

Kan ram kan khhua kan peng le kan tlang kan miphun a dam nak ding ah a thlen nak ding ah, Pathian riantuan tu vialte dih lak nih rian kan ngei i cucu, Amah duh nak in a rian tuan tu alam kal tu kan si hnu lawnglawng ah kan khua le kan ram kan peng le kan tlang kan mi phun a dam kho lai , rak i check ve law ho duh nak in dah Pathian lamkal/Pathian rianttuan hi ka si ti kha na nun nak checking tuah ve ding in Pathian riantuan ati mi poah kan sawm hna. # 2.. Zeiah dah kan buai deuh awk asi ?

A tulio hrawnghrang i kan buaipi taktak mi cu holhthei lo/holhphundang, cun ttul le lam te hna hi an si, buaipi awk an si rih loh kan lai ram ah kan miphun nih kan herh deuh mi cu zeidah si, holh theih lo a ngei a ttul kho a lam kho ti nak in, Jesuh khrih kan ngei cang maw na ngei cang maw ti hi kan buaipi awk deuh le a ngei lo mi an ngei khawh nak hnga kan cawnpiak deuh hna awk asi.

Holhtheih lo um lo na ti ruang ah ho hmanh an lung an i thleng lai lo a um na ti ruanga h ho hmanh an lung an i thleng lai lo, ttullam um um lo na ti ruangah ho lunghmanh a thleng la lo, lungthlen cia tu kha na hrawh men hna, holhthei lo lam lam lo nih khamh nak a kan pe lo, cucaah zungzal khamh nak kan hmuh khawh nak hnga, Jesuh khrih kan ngei cang maw titu ah hin buaideuh cang hna usih, kan buaipi mi hna hi ruah deuh u sih, Jesuh khrih nih cun athawng aupi ding rian mi dang zong nih khamh an co khawh ve nak hnga kha aupi/chim a kan fial ko.

Cucaah Bawipa Jesuh khrih nih a kan fial mi a duh ning te in A rianthiang alamkal tu si ko hnaseh ti hi kan sawm duh mi hna si…Ho duh nak in dah Pathain riantuan/Jesuh khrih lam kal kan si ti hi abiapi tuk mi a si caah , a ho duh nak in dah Pathian rian hi katuan ve ti hi checking i tuah dung in kan sawm hna. Rel tu vialte Bawipa nih fian nak in pe hna seh law , na caah hlawk nak nganpi siter ko seh , ka lawm tuk. Van Bawi Lian

Credit: Van Bawi Lian