Laimi Pastor le Evengelist Nungak Chawnh Nan Hmang Tuk Nan Ningzak Maw Ningzak Ngai Dakaw Asi Cuh

Theihtlei

Laimi Pastor le Evengelist Nungak Chawnh Nan Hmang Tuk Nan Ningzak Maw Ningzak Ngai Dakaw Asi Cuh

 

Pastor le Evengelist zong online nungak chat le call hmang ti hlah uh Ka chim cang bantuk in, hawikomh nak le aherhmi thawngpang hal duhmi aum ahcun Online in aho poh mizei poh chawnh ding asi ve ko. nungak an si zong chat/chawnh ding asi ko.

Asinain, nungak hna ngol lo in duhnak bia , uarnak bia tamtuk chat ahmang mi lai Pastor , Pathian rian tuan mi zong nan tam tuk. Nan hmai khah zong asilo.Keimah nih ka ton mi lawng ka chim mi asilo. Lai nungak nih an ton cio mi a tampi cang.

Nan profile hmantthlak ah Bible hna nan I put le Pastor rian nan tuan nak hmanthlak nan tar. Nan phung chim hna ngaih anuam tuk. Nan nupi le nan fale he Biak inn nan kal nak hna nan post le zoh nan dawh tuk. Asinain, chungthu lengnaal nan tamtuk. Facebook online ah nungak chating nan tuahmi hna nih nan ziaza cu an theih viar ko.

Pastor hna nih Nupi le fale hmanh ruatlo in , Online nungak chat duh tuk le duhnak bia In nungak helh , zir kong hna ceih pi le ka nupi nak in na taksa, na mui kan duh deuh ee ti hna aluar par chating ahmang mi nan tamtuk. Facebook Messinger le Viber, whatapp, intergram hna I nungak nan chawnh/nan call mi hna hi nan nupi le nan khrihfa BU an hruai mi hna nih theih hna sehlaw nan ning azak tuk men lai .

Mit au ngamlo ningzak in nan um men lai. Athei tu cu nangmah le Pathian lawng nan si. Thlan bantuk in nan chung thu taktak in nan um le nan leng lei vial athiang ngai nan lo. Nan lungput le nan ziaza cu Online nungak nan chawnh/chating mi nih an theih dihmi asi.

Hmual pho viar in nan nupi le nan khrihfa Bu hmai ah nan catialmi hna kan kuat ahcun ningzak ding nan tamtuk hna. Pulpit cung in nan chim mi din fel nak kha I nunpi uh law, nan khrihfa bu le nan nupi le sin ah fel ten um hna uh. Zohdawhlo le aherhlo mi tuah ve ti hlah uh.

Laimi patung, Pastor le upa tampi Online ah aho hmanh nih an kan thei lem lo ti in , duhpoh in nungak duh bia le zir kong he chat hmang ti hlah uh. Nan chungkhar ngaihchiatnak tiang aphan kho mi asi, Pathian duhmi zong asilo. Din felnak zong asilo. Adonghnak cu buainak le ningzak nak lawng an si.

Biachap: Kan tthinh hlei lo caah ka vun share tthanmi asi. Facebook chungah dakaw cheukhat cu an sining alangh dih tawn cuh. A fel bak kan rak timi zong Facebook ahcun a celh tiang celh an si ve tawn lo. Cu caah Facebook hman zong kan thiam ngaingai a herh cang.

Note: Adang um rih tling tein kan von tar tthan lai.

Leave a Reply