Laimi Nih Theih Bak Ding Covid-19 Zawtnak Kan Ngeih Sual Ahcun Na Tuah Hrimhrim Le Na Theih Hrimhrim Dingmi

Theihtlei

COVID-19 ZAWTNAK KAN NGEIH SUAL AH CUN: Tulio zawtnak kong ah hin, cozah lei siseh, siizung lei siseh, ralrin an kan pek. Mipi zong nih kan mah le thiamning, tikhawh ning, sikhawh ning in kan i ralring cio. Asinain ralrin len zong ah i ruah lo ning in rian kan tuannak ah siseh, dawr kan kalnak ah siseh, a phunphun in zawtnak hi tonkhawh cio kan si ko. Mit i hmuh khawh lomi i ralrin cu a fawimi thil asi loh! Hi zawtnak hi aho hmanh, tong hlah usih, zaw hlah usih ti cu kan duh, asinain kan duh bantuk in thil cu kal khawh thlu rai asi fom loh! Kan ton sual asi zong hmanh ah hi ti phun hin khua ruat usih law tiah.

What does coronavirus do if you catch it? | Financial Times

NA THIN PHANG HLAH, TIH TUK FAWN HLAH! USA ah minung 525,559 hrawng a check mi le zawtnak angei tiah an hmuhmi hna an si. Hi ah hin a check lomi minung tor le cheng an um rih. Hi zawtnak in athi mi an si tiah an ruahmi han hi, minung 28755 hrawng an si. Zatuak in chim ah cun, minung 5.4 % hrawng an thi tinak asi. Vawlei cung dirhmun cun, minung 1.7 million an ngei, cuchung ah minung 110,000 hi athi mi an si. Zatuk in chim ah cun, minung 6.4 % hrawng an thi tinak asi. Vawlei cung ah siseh, US ah siseh, zawtnak checkmi nak in check lo mi hi alet in kan tam deuh. Azaw ko mi aa check lomi tor le cheng an um. Cucaah ataktak tiah cun hi zawtnak a ngei mi minung 100 ah minung 1 or 2 ( 1 0r 2 %) hrawng kan si hnga maw? Cucaah kan theih ding cu zawtnak a ngeimi minung 96 -98 % hi cu an thi loh. Acheu an dam diam cang, a cheu an I thlop lio. Acheu cu ka zaw maw zaw lo an ti hrawng ah an dam. Angaingai ti ah cun, athi mi a tam u cu zawtnak dangdang in a rak kuah lio mi, a zaw lio mi pawl, a derthawm cang mi, tar nu tar pa, tibantuk an tam. Cucaah hi zawtnak I a donghnak hi thih asi hrimhrim loh. Pathian thawng in athi lomi 96-98% pei an si ko hi. Ataktak ah cun, vawlei cung ah nikhat ah minung 150,000 lengmang hi kan thi an ti.

The race to unravel the biggest coronavirus outbreak in the United ...

www.worldometers.info ( April 12,2020) 4: 00PM rate nih a langhter mi ah cun, tu kum chung ah hin, Flu-136,769, Malaria-275,843, Suicides -301-565, HIV/AIDS 472,749, Alcohol – 703,359, Smoking – 1,405,840, Cancer -2,309,662, Rawltam tihal in- 2,382,324, Nau thah-11,954,253 in an thi ati. Cucaah Covid-19 in athimi hi zawtnak dang athimi he tahchunh ah cun atlawm cem bak asi lehlam. Chimtlak lo asi. Hitluk in abuainak le hna ahnawhnak thamtham cu arangtuk akarh ning, sii duhning in an ser manh loh, cun vawlei cung siipuaizii-business vialte ahnursuan caah asi ko cuh! Cucaah na thi lai loh! Na thin phang hlah. Na nunnak hi Bawipa ta asi. Pathian nih satan cu ka fapa Job khi harnak na pek khawh ko nain anunnak cu dekkhat zong na tawng kho loh, kei mah ta asi ati. Job 7 : 17, ah Job nih, Minung hi zei dah asi i hiti ko hin, biapi ah na rel Bawipa. A cungah na ruahchannak na chiah i,zing fa tein ziah hme minung hi na veh peng ee ati. Ziah hme na ka thihter ko lo, thih ka duh tuk cang ee tiah a au, ahrum, a hauh nain Pathian nih na thi lai loh, kei mah nih na caah kan timh piak mi aum rih ati. Pathian nih thil tampi an timhpiak mi aum. An ven ko, zingfa tein zaan fa tein Bawipa nih an veh ko.

How US cancer patients are navigating new coronavirus anxiety ...

NA NING ZONG ZAK HLAH: Hi zawtnak I kan zawt tik ah, ningzah ding a pel te hmanh a um loh! Sual zong a si loh, hawi hlei in vanchiat tuk le puichimh zatlak ton zong asi hlei loh! Pathian nih ka sual ruangah, aka hrem, dan aka tat ti zong ah kan ruah awk asi tiah ka ruat loh! Sual ruang ah dantat le thih ter siseh law, vawlei ah anung ding hi kan um ti lai loh! Cu nak cha cun ka dam lo tik ah, Bawipa duhnak tu kawl I zuam usih law, amah sin ah thazaang la usih law cucu atha deuh.

Why US hospitals see promise in plasma from new coronavirus ...

NA CA RELMI THLENG: Social media pawl nih kuakzuk in athi mi, hi zat zat an kong an tial loh! Nauthah in athi mi hi zahzah kong an tial loh. Hi zawtnak kong cu thi deng in an tial. Aruang cu business le politic he ai tlai mi asi caah asi ve. Cucaah tor le cheng tih anunnak, ralrin ding tipawl an tial peng rih lai. Tuanvo ngeitu zong na si lem lo caah zawtnak kong update theih na herhnak aum loh! Hi zawtnak arel tuk mi poah hi an lung re athei khun, an khuh men ah kan zawrua an ti. Lungretheihnak lawng kan I miak. Cunak cha cun,bible ca rel, sermon pawl ngai, thlacamnak in caan hmang, hla hna ngai, online ah, youtube ah fimnak akan pemi resourse pawl tor aum, cucu rel hna, Tamtuk nai hlawk lai. Nihin lungretheihnak pin ah thaizing I acangdingmi lungretheihnak kha nai chap a herh loh!

Italy's coronavirus death toll surges as Lombardy seeks tougher curbs

I HLAT DEUH / VAI THAWN DEUH: Hi zawtnak ka ngei kho men timi nai lunghrinh ah cun, cun testnak in nai test I positive ( na ngei) an in ti sual ah cun, nan chungkarh he I hlat colh. Siizung lei nih kha tikhan um an in tining zulh I zuam, rian tuan lo in um, inn ah um an in ti ah cun, ihnak khan ah a dang tein um, rawl na khaan te ah ei, na kheng le na hrai a dang tein hmang, zuunput a dang tein hmang, midang sin ah chuah lo bak I zuam, na chungkhar , hawkom, rualchan he umti lo I zuam rih, mitkhuh vuai tein it, na thazaang thawnnak caah din ei I zuam. Nangmah he a luancia mi zarhkhat na um ti mi kha thawng thanh ve hna law atha. An mah zong I ralring hna seh. Na umnak na chungkhar kha leng ah chuak lo in I erh uh! Cu ti kan um cio ah cun, akarh ngaimi zawtnak hi, azor thluah mah ko lai arauh hlan ah. Nangmah hrimhrim zong na dam colh ko lai.

Coronavirus: Soon we won't be able to help sick - Lombardy ...

THUP DUH HLAH! Social media le zapi sin ah va thanh thengmang khi ahau lem loh, cun thanh ko ning na ti zong le apoinak aum fawn loh. Atha thiamthim ko, nang mah privacy thil bak asi. Asinain na pastors te le nangmah he aa naihniam mi cu chim hna law, na caah thla camnak le thazaang peknak in an in bawmh khawh lai. Cun na pawngkam minung zong kha an I ralrin kho ve lai cuh! Hihi kamkhat cun hi zawtnak dohnak caah kan rak I bawmh cio asi ve.

How do you treat coronavirus? | Fox News

ATHABIK IN I RUAH CHAN KO: Athukbik muihnak chung I David aum lio ah, Bawipa ka thi ko lai ati loh! Athukbik mi muihnak chung in ka um lio ah nangmah nih na ka um pi, cucaah ka tih lai loh. Na thengthunh le na tanbo hna nih ka hna an ka ngamter tuk ati. Ahlan bantuk in na inn cu ka inn asi lai ati. Siangpa hrang ah na ka ser than lai, na ka chuah than ko lai tiah ruahchannak he Bawipa sin ah lawmhnak achim. Na dam than lai, biakinn ah kan I tong than hna lai. Nuam tein kan leng ti hna lai. Bawipa nih daihnak le lomhnak, hnangamnak in pe hna seh. John Za Thleng (CEBCindy)

Leave a Reply