Laimi Nih Kan I Fahsak Bik Mi Le Kan Duh Lo Bikmi Hi Zeidah A Si?

Chin News

Kan Khualipi Hakha Nih Chin Context Hi Kan Theih Fian Ngai A Hau Cang.

Related image

Lai Miphun chung lila ah Laimi nih kan i fahsak pi cem mi hi zeidah asi? Kan i fahsak i kan thin dak tiah a khenh cawlh tawn mi cu pumpak in i soinak khi si lem loin, a pengtlang, Miphun le a khua min tibantuk telh in soisel le neknak bia hna khi asi.Cuti a pengtlang le a khua min telh in neknak bia in maw kan soisel sual hna ahcun an ning piin an thin a runh cawlh hna ti kan theih a hau.Cubantuk nih funtomduhnak le i neihniamduhnak lungput biatak tein a hlatter.

Chinram chung Khuapi hna lak ahhin kan lungput hi tha tein zoh tikah funtom a duh bik mi cu Hakha, Thantlang holh a hmang mi hi kan si hna na tein peng le tlang tleidan le nek a cak bik zong kan si men lai. Pakhat thangthatnak sangtuk kan pek hna lio ah a dang pakhat kha niamtukah thlak in va hnursuan hna kan hmang than.

Funtom duhnak lungput a ngei mi nih zei bantuk biathlum dah kan chim a herh? Zei bia dah kan i sum awk asi ti kha kan i fian ngai a hau cang.Nihin kan dirhmun ahcun Kan khualipi nih Chin miphun hi tha tein a funtom khawhnak ding caah hi ka langhter mi kan Chin context hi hngakchia in upa nih kan pemh i media in siseh, catial le Comment nak in siseh kan i ralrin thiam ngai a hau cang. Kan i ralrin thiam lo ahcun a hlanchannak in a rang deuh mi IT chanah kan um caah kan rawk deuh deuh kho.Miphun pi lungput ti mi khi ngeih khawhnak ding caah hi kan Chin miphun Context hi pemh le fimkan tein zulh a hau.

Nihinni tiangah kan lungput ah siseh, kan holh le Ca kongah siseh kan i funtom khawh lo hi a tlai tuk cang i cu vialte a ruang cu kan context hi kan tlaih khawh rih hrim lo caah asi.Cucaah hi ca zong ka tial phahnak asi ve. Hi ka ca hi a ruat thiam kan um lai, a ruat thiam lo zong kan um ko lai.Nain funtom a duh taktak mi kan si ahcun tha tein ruah le nunpi kan i zuam a hau cang.

Credit: Al Bik Lian Zathang

Leave a Reply