LAIMI NIH “HOLHTHEIHLO” TIAH MIN KAN SAKMI HI KAN RAK I PALH CIKCEK: English in Lai Baible i a lehmi version ah holhtheihlo timi biafang a um lo caah Holhtheihlo timi nifang cu Laimi Baibal a kan lehpiaktu nih Mizo biafang ai cawn mi asi i Ttawnghrit lo ti in a ra mi asi kan ti cang kha. Hihi “holhtheihlo” ti ding a rak si lo.

1. Mizo Bible cu King James version kha an lehmi asi i hi King James ahcun Unknown Tongues tiah ai ttial. Unknown cu adjective form asi i a verh cu know asi i hngalh tinak asi. Known ti cu hngalhmi tinak asi. Un a van i chap tiah cu nagative form asi caah unknown timi cu hngalh lomi tinak asi. Cucucaah “Unknown Tongue” timi biafang dik cu Lai holh in leh ahcun “hngalhlomi holh” ti ding khi asi. Hihi a dik bik.

2. Holhtheihlo timi biafang cu English in unknown tongue asi lo. Kha vun zoh hmanh mu! Theih timi cu hear ti asi. Can you hear me? ti ahcun ka chimmi na thei kho maw? ti khi a si. Theih le hngalh ai dannak kha ka chim bia. know kah known i adjective form i an thlen bantuk khan hear kha adjective form i kan then ve ahcun “heard” ti asi ve hnga i a sullam cu “theihmi tinak asi hnga. Negative form “unheard” kan ti ahcun theihlomi tinak asi hnga.

3. Cucaah holhtheihlo timi hi English in diktein ttial ahcun unheard tongue or unheard language ti khi asi ning dik cu asi. Asinain zei Baibal version hmanh ah unheard tongue-holhtheihlo timi hi biafang hi an hmanmi asi lo. Greek Baibal ahcun a um lo nain King James nih unknown tongue tiah a chap i cucu Lai holh i leh ahcun hngalh khawh lomi holh asiloah hngalhlomi holh asiloah “holh hngalh lomi” ti i leh ah a hman bikmi a si. 4. Cucaah holhtheihlo timi cu a um in baibal ah a um kho lo. King James nih Baibal amah nawl i a chapmi ning in kan kal ahcun holhtheihlo ti loin holhhngalhlo or thiamlomi holh ti ah a dik bik. Credit: Dr. Aung Myint Thang