President Donald Trump nih Coronavirus a handle ning kongah mi Laimi cheukhat nih a daithlang tuk ee, iven khawh tuk ding a si ko nain ee, mah zatzet a thi ding an si na lo in ee” tiah kan zai. Asinain Republican zong a si lomi, Democrats zong a si lomi independent minung pawl an hal tik hna ah President Donald Trump a riantuan ning kan lung a tling a timi minung ruahnak nak in an rak tam deuh.

US hi vawleicung harnak a phunphun, ral a phunphun nih a rak den bal nain a donghnak ahcun an i hlitphuak than i teinak a co than lengmang mi ram a si. Tutan zong hi May thla dih lei cun zawtnak rungrul ngeimi le a thimi an zor thluahmah lai i, June thla ahcun tampi a ning cang lai tiah zumh a si. Zawtnak nih a den hmasa mi hna ram cu tuan deuh ah an i lim, a tlawm bik thla 2 hrawng hi cu an rau cio ti a si.

China ah tuante ah zawtnak a tho i, thla 4 hnu ah an i lim, Italy hi a zawmi le a thimi a ttum lei an panh ziahmah. US hi biatak tein a thawk cu March thla chungah a si i, April thla hi a fah bik caan a si lai i, April thla dih May thla ahcun kanmah kel kan phan than kho men lai tiah zumh a si. Credit: Salai Lairamthang