An i lo chin lengmang

1.Tuchan zumtu hna Biakinn chungah Pathian kan thangțhat ning hi KTV ah a au-khuang mi zumlotu hna hlasak au-khuan ning he an i lo chin lengmang.-2. Tuchan Khrihfa upa kan i thim ning hi ram hruaitu hna caah rianțuatu hna kan i thim ning he kan i lo chin chin.

3.Tuchan zumtu hna kan i țamh ning le kan thilpuan hna hi zumlotu Vawlei hna i țamh ning he kan i lo chin chin lengmang.-4.Tuchan Khrihfa bu, (Denominations) i țhithruai ning hi ram uktu acozah nih kakip cungah an nawlgeihnak an hman ning he an i lo chin chin lengmang.- 5.Tuchan Pathian rianțuantu cheukhat Phaisa kan hmuh ning hi puaisa hna phaisa an hmuh ning he an i lo chin chin lengmang.

6. Tuchan Pathian rianțuantu hna pulpit cung bia kan chimh ning hi Kawl capo thiam (Comedians) nih mipi nihter an timh ning he kan i lo chin chin lengmang.- 7. Tuchan mission rianțuantu hna (Founder le director) hna colhcangh ning le mi an hruai ning hi NGO rianțuantu hna colhcangh ning he an i lo chin chin lengmang.- 8. Tuchan pastor chekhat hna nih tuu an congh ning hi azocah rianțuantu (wun-țhaan) hna zungkai ning he an i lo chin chin lengmang.

9. Tuchan Evangelist cheukhat hna Pathian rianțuan ning hi Party fund raiser hna rianțuan ning he an i lo chin chin.-10. Tuchan Khrihfa singers cheukhat hna Pathian rianțuan ning hi kawlram hlasak lei minthang duh hna cawlhcangh ning he an i lo chin chin lengmang.

11.Tuchan missionary hna nuntu khawsak ning le acozah khawte cachim hna nuntu khawsak ning he an i lo chin chin. 12. Tuchan biakinn ka țamh kan duh ning hi Night Club an țamh ning he aa lo chin chin. 13. Tuchan Pathian rianțuantu cheukhat hna lungput hi chawlet hna lungput he an i lo chin chin.14. Tuchan zumtu cheukaht hna Biakinn kan fuhnak a ruang hi Music Concert fuhtu hna lungput he an i lo chin chim.

Rom 12:2 “A ṭha le cohlan awktlak le a tlingmi Pathian duhnak kha nan hngalh khawh nakhnga atu chan vawlei kalning in kal hlah u, nan lungthin tharchuah a si cangnak nih in thleng hna seh”. “Cucaah hihi ka chim i Bawipa min in tehte ka khannak cu anmah ruahnak in pakpalawng thil zulh in a nung mi Gentile mi hna bantuk khan nan nun ti nakhnga lo ca ah a si”.
Ephesus 4:17

Chinhchiah: Ca țialtu nih a țial duhhnawh mi a theithiamtu lawng nih thei hna seh! Pumpak hohmanh tihramnak a um lo, zumtu dihlak le Pathian rianțuantu dih an si dih ka tinak a si lo. Ca țialtu amah zong i telhchih in ralrin kan thiamnak dingah pumh Dar bantuk in ruat usihlaw tha a dam cem lai ee!

Credit: Abraham Aungte