Laimi Kan Zia Hi Kan Zoh Ve Hmanh! Ṭihnung Le Fihnung Taktak Asi

Zei thil kan tuah, kan ruahmi le kan ttialmi paoh hi midang lungfahnak a pe khotu ding thil hi cu hrial khawh I zuam hna usih. Midang ca cu chim lo, kanmah caah tthathnemnak a kan petu asi maw? Cucaah ca kan ttial tikah maw, siloah comment pakhatkhat kan pek tikah, midang caah faknak kan pek tuk sual hna maw tihi kan ruah awk asi. Midang cungah na tuahmi kha nangmah cungah a tlung ding si ve sehlaw na duh nemmam lai lo cuh. Cuaah nangmah cung hmanh ah tlunter na duh lomi kha midang cung ah tlunter i tim ve hlah! Online chungah Laimi kan ziaza attha lo taktak tiah ka ruahmi.

1. Online chung in hrocernak bia kan chimmi te hna hi attha maw? a tthathnemhnak a um maw? Midang tthatnak kan hmuh kho lo i, michiatnak lawngte kan chim i an chiatnak lawngte kawl kan i zuam. Cucaah na bia chim achia kha tukmi kha cu rak i sum deuh law midang ca i a tthatnak a chuahpi hleiah nangmah ca hrimhrim ah a ttha. Kannih Laimi cu kan mit hmanh nih a hmu lomi kan hna in kan theihmi hna hi biatak tein kan aupi i michiatnak kan kawl.

2. Kan tluk lomi hna paoh an konglam chim kan huam tukmi hna hi i sum deuh ah ttha lo maw? Mi pakhatkhat asining fiang tein an thieh lomi nu-pa kha mah ruahnak in mi hrokhrol na si tiah na ti tawnmi kha teh a ttha maw? na lungsia rem maw?

3. Cun zeiruang ah dah mi kong ceih hi kan huam tuk hnga? mi tthatnak kawl i zuam loin michiatnak lawngte kawl kan hmang. Mi pakhat nih a facebok timeline ah maw? siloah group ka khatkhat ah maw a ruahnak le ahmuhning a lung um bia a chim tikah lawmhpi ko loin ziah kan soisel lengmang hna hnga? Na soisel lenmi nih khan tah an caah tthatnak a chuahpi maw?

4. Cun mi pakhat cungah na lungtlin lonak a um ahcun ttha chim amah pumpak ah Id chimh khawh i zuam. Cu siloin facebook dang i ser riangmang in maw midang fial riangmang i a hmanthlak hna tar in na thangchiat lenmi kha na caah zeitel tthathnemnak an pek maw? Na lungdi riam deuh hlei maw? Nangmah le nangmah tu harnak na pek hlei ah na thluachuah na phih lehlam.

5. Zeitluk na huatmi hna an um ko zongah midang theih khawh lo dingin amah pumpak kha ttha tein va chim. A si khawh ahcun na lungtthum law, ngaithiam khawh i zuam. Cu siloin kannih cu a chiatnak lawngte kan chim, kan hawi le sinah maw siloah facebook timeline hna ah kan ttial, group kip ah kan tthlah i, a thangchiatnak lawngte kan kawlmi hna khi teh na caah a ttha maw? Na lung a dam deuh hlei maw? Amah tu kha lungdiriam tein hei chim dih lawlaw ko.

Hi thil vialte hi kan ton lengmang mi thil hna an si. Kan caah tthathnemnak a kan pe lo dingmi thil hi cu hrial khawh i zuam ko hna usih! Kanmah le kanmah kan mual kan i phoh hleiah kan thluachuah lampi kan i phih asi ko. Kanmah le kanmah i thangchiat len loin lungkhatte in tttang usih!