Laimi Hi Toidor Nun Ngei Ngaimi Kan Lo Tawn: Pastor Nupi Khi Pastor Nu Ziah Na Ti Ziah Singer Cu Saya/Sayamah Na Ti

Hmuhning

Laimi Hi Toidor Nun Ngei Ngaimi Kan Lo Tawn: Pastor Nupi Khi Pastor Nu Ziah Na Ti Ziah Singer Cu Saya/Sayamah Na Ti

Laimi khuaruahhar ngai kan siko. Zeihmanh asi lomi thil hmete ah khn thinhun hna kan hamng ttheo tawn. Cun thil hi a sining tein kalpi le chim rel hmang lo, kan thiam ti lo. Cun mi upat pek ning cang zong kan thiam lo. Upat kan pek hna rua tiah kan ruah nain kan pe hna lo zei rel lo ah a cang. Ka chim duh taktak mi chungah ka lut lai, cucu zeidah asi ti ah cun Laimi nih saya timi le sayamah timi a hmannak zawn kan i fiang lo tiah ka ruah.

Tahchunnak ah mirang nih cun saya/sayamah cu teachers an ti hna. Madam le Sir ti cu upatnak caah hmanmi asi. Cu hna cu fim chimtu maw si lo ah, thawngttha chimtu pakhatkhat, cachimtu si lo le cawnpiaktu pawl khi Saya/sayamah tiah an auh hna. Saya/sayamah ti cu Kawl holh asi ko nain laimi nih kan hmanning asi caah ka komh. Justin Bieber khi zeitik hmanh ah Sayapa/teacher an ti na thei bal lai lo i a ti zong an ti bal fawn lo. A ziah ti ah cun saya/cawnpiaktu asi loh cachimtu asi lo, hlasakthiam sawhsawh asi caah an nih nih an auh dan ning cu Singer Justin Biber titu in an auh lai, cucu a phungzong asi i thil sining zong asi. Cucaah hlasakthiam na ti lo si le, singer hei ti ve lawlaw ko. Hlasakthiam kong cu hi vial in zarih seh.

Kan chim ttheo tawn rihmi cu, Pastor nupi pawl khi sayamah ti zong in kan au hna lo kan i thawh riangmang le zeitindah kan auh hna ti ahcun Pastor Nu tiah kan hei auh hoi hna cuh. Hihi kan laimi nih kan laiholh kan vaivuanhmi le ning cang loin kan hman pakhat zong asi. Cucu kan fa kan nau le ca tiang in a ttha lomi thil pakhat asi i tiah keimah nih cun ka hmuh. A lem ve khawh hna cuh. Hngakchia an si le Pastor Nupi paoh Pastor ah an ruah khawh hna cucaah i ralring hna usih. A ruang cu Pastor nupi le zong nih phundang piin an i ruah ve lai i ca zognah za a long loh.

Nu Pastor a ttuanmi vial cu an pasal le khi zeitik hmanh ah Pastor pa na ti bal lo i, na ti ding zong asi loh. Zeiruangah dah an pasal le Pastor asimi vial an nupi paohpaoh hi Pastor nu tiah laimi nih kan auh tawn hna hnga hihi pumpak zong in rak ka let uh, cun comment zong ah fiang tein nan ka lehnak kan sawm duh fawn hna. Pastor le tu khi Saya/Sayamah kan ti hna awk taktak cu asi. Na lungtlin lonak um cun Comment ah rak chim ve dingin kan sawm duh hna.

Salai J Van Duh Thar Lahnin

Note: Hmanthlak hi tahchunnak sawhsawh lakmi asi.

Leave a Reply