Laimi Hi Israel Cikor Taktak Kan Si

Theihtlei

Pathian Thim Israel Cikor taktak pei kan si cu Laimi hi:

Image result for jerusalem

Israel phun hra kha cu nihin tiang an tlau peng rih, Laimi hi cu hna cikor taktak kan si ve. Israel ram kir kan herh loh. Israel lungput he bak kan cawl a herh. Federal zong kan herh loh. AA nih confederation an timi zong kan herh loh. A Thiangmi Ram Puitling kan ser lai.

Image result for hakha

Zeitik hmanh ah Kawl he ram khat ah kan dir ți peng ahcun a thiangmi, a nuammi, a daimi le Pathian duhnak lennak ram cu kan ser kho lai lo. Palh vialte lak ah palh fak bik cu kan Bawi le nih Kawl he kawp ți dingin Panglung an țhut kha a si. Nain Chanthar Israel ciruang Laimi nih kha palhnak lam kha kan zulh awk a si ti lo.

Related image

Kan Tlangsang kip le Hmundawh kip ah Vailam tung dawh in Khrifa kan sinak kan hloi lai. Kawl puai nih kan caan tam tuk a pamh hnaih men mi vialte caah Lai puai phun kip in kan thatlunnak ah kan kum kan caan kan rel lai. Phunglam a upatmi le a zulmi Lairam kan ser lai. Zung kip kawl bawi mui a de ti lai lo. Kan zatlang lampi ah Kawl PK an de ti lai lo. Laimi lawng lawng nih Siangpahrang in kutka cong rian tiang kan tleih lai. Amen.

Image result for hakha

Hi ti chim tik ah hin Laimi cheukhat nih cun mah țhat lo ah nan rel lai. A si lo teh. Kan covo a si. Ram pakhat sinak in Kawlram bantuk i state pakhat men i kan rak tlak hi cu Vawlei mei hell a si ve ko. A fak tuk kei cu ka celh ti lo. Miphun dang nih a lamlam in ukmi sinak tang ahcun Ka Pathian ka thangthat hmanh ah ka diriam kho tawn lo. Cu cu Israel tefa taktak ka sinak a lang. Laimi tho tuah. Rungtlang ah Lai Ralkap lawng umter na duh lo maw. Na Nu Lairam ah Kawlral le Kawl nunphung nih a kan lal hnawhmi hi a hnawh bak in hnawt hna usih.

Credit: Mang Lian

Leave a Reply