Laimi Chungah Trump Ṭanhtu Le Ṭanhlotu Dothlatnak

Thawngpang

By Chelsea Bawi

US um Laimi college/university a phan mi 85% tluk nih Trump an duh lo. NGOs le Human Rights activity lei a cawlcang mi pawl paohpaoh nih cun an duh lo. Politician taktak asimi 70% kan pale nih cun an duh lo. Mi sawhsawh asi ko nain Trump a uar lomi pawl zong khi ruahnak kaupi le thil a dothlat taktak deuh lawng te an si.

A cunglei minung pumpak pawl kong hi cu chim lo hmanh ah mifim an si ko caah an covo ai hngalhmi le human rights a uar tukmi lawngte an si hna.

Trump hi piangthar hmun in a hmu mi paoh nih an uar ve. Pathian Bia ai tlaih paoh ahcun a za ko minung cu a tlingmi kan aum lo harnak kan pe hmanh sehlaw Pathian a theih ahcun a za, Obama khuachia ruahnak kengpa nak cun a za deuh ving tiah an ruah. Biaknak dirkamhtu hmuh in an hmuh caah an tanhnak bik pakhat hi asi. Laimi pastor 80% tluk nih Trump an tanh ve.

A pahnihnak ah Kawl cozah rialditnak tangah thang lianmi kan ti cu Uktu doh cu sual bakah kan ruah. Malaysia bantuk in duhduh in tazacuai I kuatthan khawh an si rua tiah kan ruah. Ralzaam dirhmun in US a phanmi nih cun zeitluk kan duhlo zongah doh ding asi lo, lungtum va thongh bantuk men asi tiah kan ruah.

Laimi Trump uarlotu 95% tluk minung khi an sining va dothlat ulaw mi sawhsawh an um hrimhrim lai lo, a lamkip in anmah le sining tawp cio tal in bochan mi an si tlangpi hna. Laimi Trump tantu 85% tluk hi carel lomi politecs i bialu le biataw zong a thei lomi ruahnak deuh in a zum mi an si hna. A tawinak in chim ahcun lo vat le lo thlawp in a paw ai cawm mi hrawnghran deuh kan si hna.

Laimi 85% tluk nih cun Trump kan tanh rua tiah ka ruah. Cucaah Laimi kan pale leh Media pawl nih bia dik an chim lo, an tial lo, caan pek in an tuah lo caah kan mawh lo, Cucaah biatak kan in tial piak hna nak hi asi. Ka tialmi hi ka theih tawk minung le Ka catialmi comment tu chung in ka dothlat mi hna an si. Rak dothlat ve cio u.

Leave a Reply