Lailei Kan Khua A Lum Zuahmah Thawngpang Ṭha Taktak A Si Hih Rak Zoh Cio Ve Hmanh Uh-Video

Thawngpang

Lailei Kan Khua A Lum Zuahmah Thawngpang Ṭha Taktak A Si Hih Rak Zoh Cio Ve Hmanh Uh

Lailei Kan Khua a lum zuahmah. Minung 4000-5000 kar zalong tein t့hutumnak ding aa tlummi CHIN CONVENTION CENTER pi cu sak domh dingah timhlamh cuahmah a si cang. A hmun cu Halkha, Hlawhtling Thlacam nak tlang thlang zawn ah a si. 4 October 2019 (Cawn ninga) ni ah CBC USA GENERAL SECRETARY REV. Dr. Thlaawr Bawihrin nih a killung chiah. Hi thil nihhin Chinram (Lairam) cu kanram bak a si hrimhrim ko timi a humhualtu tette, kan ralhau/ hruang pakhat a si te lai. Chinram/ Lairam ah Biakinn tampi kan sakmi zong nihhin kanram le kan vawlei a kilkamh. Kanram hmunkip ah Vailamtah kan phun mi zong hi kan ram a vengtu an si ko. Cucaah cun pei Kumcaan tam ial Biakinn sak khawh lo caan kan ngei bal i vailamtah phur piak caan kan tong bal.

Image may contain: mountain, sky, outdoor and natureImage may contain: 4 people, people smiling, people standing, outdoor and nature

Khakha kamram kilkamhtu, runvengtu, humhimtu tette an si caah phur le kham le phih le khar aa huah lengmangnak cu a si ko lai. Kanram ah inn le lo t့hat့ha hram kan bunhmi zong hi kan ram a t့hawntertu a sinak kap a tam ko lai. Kanram hmun kip ah lung kan donhmi le lung kan phunmi hna zong hi a herh ni nikhat ahcun kanram caah tette an si dih te lai. Kan lungdonh le kan lungphun cung lawng a zaa lo, kan thlanlung cung i Chin/Laica tein ca te kan t့ialmi te hna hmanh nih hiram hi Chinram (Lairam) Chin/Lai pupa ram a si hrimhrim ko, an lung cat့ialmi nih pei tette a langhter ko hi, tiah ti a si te lai. Cucaah Khua Jubilee lung kan phun, Khrihfa Jubilee lubg kan phunmi te hna tiang khi kan khua le kan ram, kan hmun le kan vawlei a hmunh khawhnak hnga ding caah tette an si lo kho lo.

Image may contain: one or more people, people standing, cloud, sky, outdoor and nature

Chin/Lairam hi rambi te a si. Cucaah Chin/ Lai miphun hi rambite ngeimi kan si. Sersiam duh ahcun fawite in sersiam khawh kan si kho men. Chin/Lai miphun hi milu kan tlawmte. Felfai tein kan i zohkhenh ko lai ti ahcun fawihlang ngaiin kan zohkhenh kho zong a si kho ko. Ningt့ih tuk dingah ka ruat lo, ralchiat tuk ding zongah ka ruat fawn lo. Midang vaa bochan a herh tuk zongah ka ruat lem lo.

Image may contain: one or more people, cloud, sky, mountain, outdoor and nature

Nihin Kan ram CHIN/LAIRAM hi a dam ti maw? A him ti maw? timi hna hi ka ruat t့heu. Biakinn saknak nawl kan hmuh lo lio ah biaknak dang pathian inn cu sak luaimai, nawl pek luaimai a hung si i, Biakinn hmun le vawlei laisen phihkhar kan ton lio ah a dang pathian hna caah hmun le vawlei cu pek luaimai chap luaimai, hruang fek t့hupin kulh luaimai a si cu mithmuh kuttongh a si. Vailamtah t့hadeuh le fek deuh cu phur luaimai in a um lio ah airawl ah pathian dang innsang cu dirh luaimai chan kan ton balmi hi kan ramhimnak hrawktu Chinram a ei ciahmahtu Rungrul ti awkah kan i harh tuk hnga maw?

Nikhatkhat ah mahram hi kan biaknak kan pathian biakinn a dirnak ram a si caah kanmah ram a si tiin lih tette ah an hman khawh. Hi khua ahhin kan pathian biakinn a dir ko caah kanmah khua a si tiin lih in chuh mi khua can caan kan phan kho lo tiah honihdah aamah kan khaan khawh. Chin/Lairam ah lung kan phunmi hmanh hi mi dang pa/nu lung hna phun i, anmah holh hna in lung ca hna t့ial in hmun rem ah phunmi ti bantuk hmanh khi hei si phim sehlaw nikhatkhat caah cun kan ram himnak ding caah cun ja zum kho hnga lo. Kan pi/ kan pu lung phun umnak pei a si cu. Kanmah pipu ram a sinak tette a si tiah nikhat ni ah, an ti hrinhrim lai lo tiah honihdah kan chim khawh.

Image may contain: 2 people, people standing, sky and outdoor

Zeitluk kan fim zongah, Zeitluk kan rum zongah, Zeitluk kan t့hancho zongah, Zeitluk kan t့hawn zongah, Ram a ngei ti lomi miphun si cu ka t့ih. Nihin ah CBC USA le Vawleicung khua vanraang tang khuasaa chin/ laimi fihlak i funtom in Chin/Lairam Halkha khua ah hibantuk Chin/ Laimi sinak le Chin/Lairam sinak a langhtertu runnhlei sang nan hun renh laimi cu lailei kan khua a lum zuahmah. Pathian nih a lung tling sehlaw hlawhtlinnak oe ko seh. Bawipa Pathian nih hi inn saang pi cu da ko seh. Chin/ Laimi dihlak nih kan khua kan ram ah mah le khap cio in dirpi in kan kut samh khawh cio kobu sih. Hmailei chan ahcun Kanram ah than kan thlah t့han lai i, khuang kan cawi t့i t့han te hna lai mu. Credit: Lairam Hu

CHIN CONVENTION CENTER innkillung phun lio. Rev. Dr. Thlaawr Bawihrin biachim tawi.

Posted by Lai Ram Hu on Saturday, 5 October 2019

Leave a Reply