Hi Thawngpang Hi A Dang A Thei Mi Nan Um El Ti Maw? Ngaihchia Taktak Khi Asi

Chin News

Chin ramkulh cu Khrihfa ram kan si hna. Nain tutan ah kan tonmi thil hi ruah tikah ttihnung asi hleiah ngaihchia taktak khi asi. Hi thawngpang hi a thei hngalmi dang nan um el maw? hihi kaltaak men ding le lanh taak menmen dingmi thil asi lo. Biatak tein hlathlai haumi thil asi caah a theimi nih fiang tein chim phuan khawh vun kan zuampiak hram uh.

Chin ramkulh Thantlang peng Khuahrang khua ah Pathian thawngtthabia phuangtu Pastor pakhat le Evangelist pakhat hna cu Khuahrang khua tlangval pawl nih zaan pumh an ttin/lawi pah ah lam in an rak bawh hna i faak ngai in an velh hna tiah Lai Media sinin kan theih. Hi hna hi July 1 (cacawn nikhat ni) ah khan Khuahrang khua ah an phan.

Cuticun Pathian thawngttha bia phuangin caan an hmang. July 7 ah pumh dih ah Khuahrang tlangval minung 15-20 hrawng nih rak bawh hna in an velh hna tiah Hnephnop timi Website nih a ttial. Hibantuk thil hi khua nu khua pa nih ttha tein khua nan tuaktan ahaumi thil asi. Pathian lungfahter hi zeitluk in dah ttih a nun. An caam rih ah cun kan velh rih hna lai tiah an ti hna i zing ka suimilam 1:00 Am in Hakha lei ah an lei an an kir ti asi.

Khua fakpiin ruat cio tuah. Pathian thawngttha bia aupi tu hna hmanh hibantuk in kan tuah ngammi hna hi cu ttihnung taktak asi. Hi thawngpang hi Hnephnop timi hi nizaan ah a von postmi asi i hnephnop website ta zohchih in ttialmi asi tikah kan palhmi um cun nan kan ngaihthiamnak lai kan nawl duh hna. Cun hi thawngpang hi a theihhngalhmi kan um ah cun thawngpang fiang nan kan thanhnak lai kan nawl hna. A hman taktak ko ahcun ttihnung taktak khi asi.

Leave a Reply