Lai Patthawng Rung Lian Ceu Aa Sum Kho Tilo, Uk Ling Thang Lehnak A Tuah Cang: Aung 31. 2019-i Laipaih Champion, Dallas-i an tuah mi ah hmun dang ka dang leiin champions cotu tampi an i tel hna. Cun, aa tel kho lomi zong tampi um a si. Laipaih Champion, Dallas-i an tuah mi ah Biak Hmun Sang le Uk Ling Thang cu champions an i cuh i, Uk Ling Thang nih a tei caah champions taisawm a co.

A cunglei kong he pehtlaiin CCN nih Uk Ling Thang biaruahnak an ngaih i, biachim pawl cu uar um pinah pasal lungput taktak si. Atimi cu kei cu an ka sawm le sawm lo ah ka buaimi si lo, Paih an tuah paoh i, ka hmanh ko ahcun kal peng kaa tim. Cun ka paihnak paoh ah champions ka hmuh fawn lai,”tiah ralttha taktak in a chim.

Biahaltu: Tutan ah champions a cotu patthawng tampi an i tel khawh lonak a ruang na kan chim kho hnga maw? tiah a hal. Uk Ling Thang nih a lehmi cu paih an duh dih cio hna, Cun anmah le sining cio in GYM zongah an kal cio dih hna. Tutan ah an i paih lonak a ruang bik cu kan sung lai timi an phan ruangah an i paih ngamlonak a si. A peh rihmi cu ttenhtu mipi kan ngaih cio hna tikah kan i paih ding mi zoh ding hi an i ngaihtuk cio hna. Cu ruangah paihnak hmun paoh ahcun kei cu ka pai peng ko lai a ti.

Rung Lian Ceu zong tutan paih ahhin a manh ko ahcun a paih ding hrim a si,”tiah a chim. Rung Lian Ceu kong a chim mi kong he pehtlaiin Uk Ling Thang nih hin Rung Lian Ceu he i paih hi a duh timi a fiang ngai cang. Video tawi kan rak tar chih, Uk Ling Thang biachim van ngai ve hmanh.

Hi kongah Rung Lian Ceu nih lehnak a tuah ve cang. Rung Lian Ceu nih a timi cu a tanglei bantukin si lai. Rung Lian Ceu a ral chia, Sungh a tih ti mi nan um sual ma? Nan um sual a si cun mah video hi zoh than ta uh. $5000 in ka singkhaw lio hna khan kan Laipa aho tal an dir ngam ma? tiah lehnak a tuah colh ve. A chimnak video zong a tangah zoh chih khawh si.