Lai Pa Nih Benjamin Sum Tining Cu Khuaruahhar Ko: Hngakchia he upa he uar dih cio mi le atu lio Myanmar Idol Season 4 zuamnak ah mipi thinlung a la bik tu Benjamin Sum kongah kan Laipa Ceupi timi nih a tining cu khuaruahhar ngai si.

Kan theih bantukin Benjamin Sum cu atu lio Myanmar Idol aa zuamnak ah kanmah laimi lawng si loin Kawl miphun tiang an uar i, thazaang an pek cio. Cun, ramdang um Benjamin thaa petu le dirpi tu cheukhat nih Banjamin vote peknak caah tiin phaisa tiang an rak kuat len hna.

Cu bantuk tthiamtthiam cun Kalay zongah Falam mino nih Benjamin Sum voting peknak an tuahpiak mi cu theih cio asi. Tutan ah Top 6 tiang a phan mi Benjamin Sum cu Chinmi/Laimi si ko na hmanh in Kawl mipi nih an uar i, minthang tampi zong nih an uarnak kong cu an chim cio. Atu lio Kawlram dirhmun ahcun minthang bik le mipi nih uar bikmi zong a hung si. A cunglei kong he pehtlaiin Ceupi timi nih Benjamin su a tanglei bantukin a ti diam ko.

Henry Ceupi: Benjamin Sum hi Laimi a si ko na in Laimi sinak in Myanmar Idol ah a zuam mi a si loh. Kawl mi sinak in a zuam mi a si. Lai a si ko mi nih Kawl က​ေလး ai awh in ai zuam mi hi nan ruat bal maw? mah ahcun voting cu Laimi nih heh tiah nan pek. Laimi hi kan hrut nain mah bantuk ruahnak a ngei lo mi hi cu atu lawng hmuh khawh nan si.