Malaysia ummi Laimi nih aluancia kum 2017 ah Lai Muicawl (movie) tuah. Cu muicawl(movie) min cu hitihin an tuah, “ Miphun Dawtnak Ṭhentu” tiah a min an bunh. A sullam ṭha kho taktak. A bikin hi Muicawl hi ramdang a ummi, ramhnih le ramthumnak a ummi Laimi nih cun zoh cio hna usih! law ṭha tuk hnga. A sullam ruah ahcun ngaihchia tuk zong asi fawn.

Hi Muicawl (movie)nih a kan hmuhsakmi le a kan cawnpiakmi le thazaang an kan pekmi cu, Laimi cu miphun hmete kan si i, ram le Miphun a dawtu kan si, Pathian thimmi Miphun zong kan si. Kan Miphun dawtnak le zawnruahnak hi ngei zungzal hna usihlaw kan Miphun ṭhlau hna hlah usih! Cun Laipa/Lainu a si khawh chungin kan hrial dingmi thil cu zeidah ti ah cun hi Muicawl a kan hmuhsakmi Miphun dang ṭhit/vat hi hrial hirmhrim ko hna usih!

A hramthok ah cun an dawtu taktak ding an lo ko lai. Minung cu kan hramthoknak in kan donghnak hi abiapi deuh. Cucaah a donghnak ah cun nangmah lungfahnak le nangmah le nangmah fahnak na pek asi ko lai. Laipa nih an dawt tluk in Miphun dang pa nih an daw kho in an theithiam lai lo. Lainu nih an dawt ltuk in Laipa Miphun dang nu nih a dawt kho in an theithiam kho lai lo. Cucaah hi i tlaih peng hnu sih tiah ka duhmi cu Lainu caah Laipa, Laipa caah Lainu hi kan tlelhtleng siseh!

https://www.youtube.com/watch?v=Aq_HbJE2VpI