Lai hlasa cheukhat a sponsor lengmangtu Kuhchah khuami Lian Za Thang (Khupchon) nih a tuahmi ngakṭah hla rak ngai ve a tuahnak a ruang zong a langhter chih-VIDEO
Tukum 2020 June chungah Halkha khualipi ah Thang Zang khuami pa Ngun Dawt cu fak tukin velh a rak tong. Cu lioah, mi tampi nih bawmhnak rak peek cio a si. Bawmhnak 400,000MMk a rak pee ve mi Norway ummi Lian Za Thang nih ngakṭah hla a phuahmi cu ngaih khawh a si cang.
Ngakṭah hla a chuahnak kong he pehtlai in amah Lian Za Thang Khupchon nih hitihin a chim,“Ngakțah hla ka chuah le ka phuahnak suallam hi Ngakțah Kan Dir Pi caah a si. Ngahțah buangro Runrep ngei lo in le cawmtu țha ngei lomi hna cungah dawtnak, zaangfahnak, zawnruahnak, upat le țih zahnak hna hi Ngakțah sin ah kan ngeih ding hrimhrim zong a si caah Even le pastor nih hin putpit cung le cawnpiak nak kip ah voi khat tel hi an kan cawnpiak lo ruang hawi hna ah hin a si kho men ti hi ka ruat, serhsat nak chung hin Ngakțah nih luatnak kan hmuh khawh nak hnga zaangfah nawl kan duh hna caah hi hla hi ka phuah.
Vulei pi zongnih thlanglamh nak an cohlan lo pin ah Biaknak lei zong nih biatak te in thlang lamhnak hi a țha loh tiah kan dir pi ding a si tiah hi hla hi ka phuah mi a si. Ngakțah buangro na dawt cu nangmah le nangmah na dawt a si i Pathian zong nih a kan dawt ve. Cu ve bantuk in Ngakțah buangro na zomhtaih hna ah cun, nangmah le nangmah na dawt lo a si i, Pathian zong na cung ah a lawm ve lo.
Ngaitu zohtu thinlung ah phuahduh nak a chan le ruang nan rak i fiang cio lai ti zong ka ruahchan. Bawipa Pathian nih hohmah thleidan nak ngei lo in Kalvary Vailam cungah kamh dih mi kan si.. Bawipa Pathian nih hi hla ngaitu zohtu nan dih lak sin ah damnak thluachuah in pa ko hna seh” tiah Chin World News Evaning sinah a chim.
Hlaphuahtu Lian Za Thang (Khupchon) konglam tawi;
Tlangvaal Lian Za Thang (Khupchon) hi Kuchah khuami a si i, atu Norway ah khua a sami (a ummi) a si. Norway ahhin a kum in kum 13 leng a um cangmi a si. Cun, amah hi Pathian rian ṭuan hram aithokmi a si. Bochan awk tlak taktak Mino a si. Mipi tampi nih a rianṭuanning le a cawlcanghning kan thei tuk lo kho men. Amah hi upatnak awk tlak taktak mino a si. Pathian caah tiin karhlan hram aa thok cuahmahmi a si.
Kan Laimi chungin a awṭha ko nain le hlasak a duh tuk ve ko nain, Studio luhnak a ngei lomi tibantuk pawl hna cu sponsored a tuah (bawmhnak a peek) hna. A tanglei ah a rianṭuannak a page le group zong kan chiahchih i pehtlaih khawh zong a si. Amah nih sponsored a tuahmi Pathian thangṭhatnak hla zong a tanglei ah amah Youtube Channel le Facebook page kan chiahmi ah ngaih khawh a si lai. Hihi amah konglam tlawmpal kan von langhter khawhmi cu a si.
Atanglei ah a Facebook page le Youtube Channel kan chiah i Follow & Like, Subsrcibe in thazaang pee cio hna usih. Midang caah a nun siangmi le kan Lai hlasakthiam cheukhat a cawi sangtu hna a si.