Jackson Thawng: Lai hla sak thiam singer’s Iang len sung le hawi pawl nan ning tal zak lo maw? CNF`A thuam i hruk in CNLD hla nan sak ngam mi hi Pathian fial mi ah maw i ruat lai uh ci party kong ah CNF`A hnursong hlah uh! Miphung tthengtu dingah Bawipa nih an thim hna lo!

Hi kongah Biak Hlei Par nih lehnak (comment) a tuahmi: “Thil hi kan fian lo ah cun fian ding in hlat hmasa ding si na theih dih hnu le na fian dih hnu ah post ah atha… CNA angki hruk in CNA hla kan sa CNA angki hruk in CNLD hla kan sa lo hla bia kha tha tein rak zoh.”

Relchih>>>>>Rev. M. Thawng Kam nih “Rawl tiltawt” timi tlangtar in ca a ttialmi ka rel i ka lung ah a hung chuakmi a um colh. Namnehnak or phutawk loin pekmi laksawng cu petu lungtlinter aa zuam a hau e a ti. Khua a ka ruahter ngai ngai. VP Henry Van Thio khi phutawk pekmi bantuk ah kan ruah sual caah NLD le Suh Kyi lungtlinter aa zuammi kan tam ngai. Nain VP Van Thio cu a phutawk i a tlinh ruangah VP 2 a si khawhnak khi a si ko.

NLD si ruangah phutawk lo VP tiang hmanh an kan pek tiah anmah NLD le Suh Kyi lungtlinter aa timhmi kan tam tuk. Mi lungtlinter cu a herh bak fawn nain mah Miphun hmanh lungtlinter loin a thawngtha le rum cia lawng lungtlinter kan i zuam peng cu khua kan ruah than cu a hau ko. Khrihfa kan sinak le Chin miphun sinak in mi aa bawm mi le santlailo kha santlai dingin aa domhtlai ding kan si nain Kawl kha domhtlai kan duh peng rih.

Tlinh le phutawk ruangah sinak pekmi cu petu lawmhter a rian a si bangin Isaac Khen khi CNF le Kawl Cozah remdaihnak kongah bochan bakmi le tawlreltu a si pinah Chin Party pathum aa fonh khawh nakhnga biatak tein tawlreltu a rak si nain thimnak ah aa zuam lo nain Chinram Sipin & Mei lei Minister an pek hnuah cun NLD le Suh Kyi lawmhter kha a rian ah aa chiah cang i mah tlukin Nationalism lungput a rak ngei i aa zuammi kha Kawl Party leiah a kal diam ko. A tlinhlo le a phutawk lo Minister an pek timi khi ka chim duhmo si loin aa zuam lomi minister rian an pek tikah cun petu NLD le Suh Kyi kha lawmhter aa zuam cang.

VP 2 kan ngah khi laksawng si loin phutawk pekmi a si pinah si khawhnak lam zong a ummi a si ko. VP 2 dirhmun an kan pek ruang menmen ah NLD le Suh Kyi lawmhter nakin Chin kan temtuarnak kha ruat in Chin ah i funtom than cang hna u sih. Khrihfa biaknak caah ramkulh phaisa piakhat hmanh hman a silo nain Budhist biaknak titoihnak ah ramkulh phaisa tampi an hman.

Hmunkip ah pura cu an hnuai len nain kan ram le vawlei cia ah Khrihfa biakinn saknak licence an kan pe duhlo. Thim lai ah Khrihfa Biakinn saknak an bawmh i kan i lawmh cio nain licence a pek hlei hna lo caah Biakinm cu dawh taktak in kan sak lai i NLD nih Cozah an tlaih hnuah Bualpi khua an hrawh le Hakha khua inn licence na ngeilo tiah an hrawh bang khan Biakinm hrawhpiak kan tong hoi sual lai ti phang a um.

Home Crusade hmanh Khrihfa biaknak cu thongthlak kan si nain ramkhel ah cun a thong in an um ko nain thongthlak um lo. Cucu Khrihfa biaknak an kan hnursuan ti a lang ngai. Thimnak lai ah Khrihfa Biaknak saknak bawmhnak cu Rampi phaisa in an bawmh nain NLD min in bawmh ak pekmi ah an canter. Khua pakhat nih bawmhnak an hal i an pe hna lo nain mah khua i ummi NLD pa nih bawmhnak a hal i an pek colh. NLD Cozah a tlaih chungah bawmhnak pekmi pawl khi NLD phaisa si loin rammi kan phaisa lila a si ti kan theih a hau. Salai Pathawng