Laam Na Pom Lo Zongah Soisel Hrim Hlah, Na Cing Sual Lai, Nain Laimi Laam Cu

Sermon

Atu lio Laimi nih hlimlaam nak kong hi kan buaipi cio hna. A cheunih laam a pom lomi an um lio ah a cheunih cun laam a tthatnak le an pomnak kong an chim cio ve. Hi kong he pehtlaiin Rev. Dr. Rual Uk nih chim mi hi nangtah zeitindah na ruah ve?

Image result for rual uk

Bible nih laam a chiatnak le tthatnak kong a chim lo, hodah laam? Israel miphun hna kha kan hmuh. Anmah a thattu ding Egypt ralkap kha Jehovah nih a teipiak hna tikah Israel miphun cu lomhnak in an khah tikah heh tiah an laam. Cun hi kongah Bible nih a ttha a ti lo i, a chia zong a ti fawn lo. An i lawm i an laam tiah Bible chungah kan hmuh.

Asinain laam na duh lo zongah a chiatnak lei hoih lei peng in hmuh le soisel ding zong a si fawn hlei lo. Cun David zong kha lomhnak in a khah caah a laam tiah Bible ah kan hmuh fawn. Bible ah kan hmuh mi cu David nupi nih an pa David a laam lio a soisel ruangah Pathian nih chiat a serh caah a thih tiang fa ngei loin a cing timi kan hmuh.

Mah belte laimi cu Pathian kan thangtthat i kan laam mi hi kan luan cang, kan laam chan a ruang hmanh kan i thei kho ti lo. Cucaah kan laam chan hi hngal hna usihlaw lomhnak in Pathian sinah laam ko hna usih. Kan i lomhnak le kan laamnak a ruang na fian khawhnak dingah 1: Peter: 1: 8-9 khi na rel ahcun na fiang hrim ko lai. Cucaah na laam zongah na laamnak chan le na lomhnak kha ruat law Bawipa cu thangtthat.

https://youtu.be/ZDZt0h_IiRM

Leave a Reply