Laam Kong: An Laam Ruangah Nang Le Kei Hell Tlang Ding Kan Si Lo Ahcun Doh Hna Hlah Usih, Laam Hna Seh

Chin News

Laam Kong: An Laam Ruangah Nang Le Kei Hell Tlang Ding Kan Si Lo Ahcun Doh Hna Hlah Usih, Laam Hna Seh

Image result for hlimlaam

Tukar hi Laam kong an hung tial ngai. Laam cu miphun kip in laam cio a si. An laam ning tu aa dang cio, nain lawmh ruangah laam a si bik. Pathian thangthatnak an laam khi an i lawmh ruangah a si i, a dangdang laam vialte zong (a ruang dang va umko hmanh seh) lawmhnak pakhatkhat cu aa tel hrimhrim lai.

Image result for hlimlaam

Nai chunghrawng Laam kong an hun tial ciomi cu kan Laimi chungin pumhnak (Pathian thangthatnak) ah an laammi kong deuh a si. A laammi kan zoh tik hna ah a tam deuh cu, Nu(kan pi/nu le tar) deuh an si. Pa cu an tlawm. Ka biahmaisa bang, lawmh ruangah laam a si ko caah, Pathian thangthatnak chung a si rih fawn i, diriam tein laam ko hna seh; dawn hna hlah usih, soisel fawn hna hlah usih ti ka duh.

Image result for hlimlaam

Zeicatiah kha an laammi te kha dakaw, an i lawmnak le Pathian thangthatnak ah a rak hruaitu cu a si hi, tiah ka ruah. Nan nih a no rihmi le Pastor, Even pawl cu, Solo in, Thlacam in, Thawngtha bia chim in le phun dangdang hna in Pathian nan thangthat khawh cu. Annih cu kha pawl cu an tuah kho ve lo cu teh, an laam dah tilo cu solo an sa kho lo, thawngtha bia hna an chim kho ve lo cu mu.

Image may contain: one or more people, crowd and indoor

Cucaah an laam ruangah nang le kei hell tla ding kan si lo ahcun dawn hna hlah usih, soisel fawn hna hlah usih. Laam kan rem lo ahcun an laam chung kha lengah chuak ko usihlaw a tha ko lo maw? “Pakhat ke pakhat kan duhnak kha i upat piak in i theih thiam piak ding kha Baibal nih a kan cawnpiakmi a si”.(Filipi 2:3)

Ref: Htay Dhi Fc

 

Leave a Reply