BIAKAM THAR NIH LAAM KONG A KAN CAWNPIAK NING. New International Version (NIV) Bible chung ah cun laam kong hi voi 27 a kan cawnpiak i Pathian biaknak he i pehtlai in a chimhnak a umlo. Chawdawr i lente aa celhmi ngakchia bantuk Mat 11:16-17, Luk 7:31-32. Herodias fanu bang in midang lomhter i timh sawhsawh Mat 14:6, Mk 6:22 Fapa tlau pa a kir tikah aa lawm mi bantuk Luk 15:21-24. Lamkong hi Biakam thar chungah hi ban tuk in a chim.

1. Laam kan ti mi hi Pathian biaknak he i pehtlai in Bible nih a ṭial ballo. 2. Jesuh le a zultu hna zong nih Pathian biaknak ah lam a herhnak kong an ṭial ballo. 3. Biakam thar ah Pathian biak (worship) he i pehtlai in lamnak kong an ṭial ballo. 4. Bible chungah Pathian biaknak (worship) he i pehtlai in lam kong an ṭial ballo Sam 150 Zei ruangah dah Pathian kan thangțhat lai timi kong a kan chimhnak asi.

5. Jesuh nih Pathian biak ning tak tak kong a chimh zongah lam kong chimlo John 4:21-24. 6. Paul nih thlarau le lungthin in hlasak a ti zongah lam kong a ṭiallo 1 Cor 14: 15. 7. Biakam hlun chung Israel ṭuanbia i lak riangmang in Pathian biaknak hman awk a țhalo. Jesuh nih biaknak tak tak timi zong a kan cawnpiak ko cang John 4:23-24

8. Lam le nih hi thlarau rianṭuannak a si tiin puhawk a ṭha hrim hrimlo. 9. Laam hi Biakam hlun biak zong nih Biakam thar zongnih Biaknak caah a kan fial lo mi a si. 10. Bible cu Vawlei pum in thlarau pum ah a dongmi a si 1 Cor 15:46. Thangṭhatnak Pathian biaknak hla thiang in thangṭhat u Col 3:16 Lam aa tello. A hlun nih rian a țuan ding a si ti lo 1 Cor 5:7. Kan kaa in amah thangṭhat Heb 13:15. Pathian phung cu Lawkih phung nih thlen hrimhrim hlah seh (2 Cor 6:16).

Siangpahrang phun kan si (Biat 1:6). 11. Pathian caah zihmui a timi zongah ṭul le laam a silo Biat 5:8. 12. Zumtu hmasa hna, an ngeih mi an zumhnak tu i cawn dingah Bible nih a kan fial Heb 13:7 13. Zumtu hmasa hna an ṭul in an lam lo Heb 11. 14. David hi Puanthlam chung Pathian biaknak ah a laam lo 2 Sam 6:12-17: 1 Chan 15:29 1 Siangp 3:15.

Zeitiin dah kan ti kun lai? Mah kong kan țial mi nih hin a langhter mi cu lâm hi a Pathian biaknak ah Pathian nih a herh a timi sisehlaw Nawlbia pahra Exo 20 Bawipa duhmi Mik 6:8 Thlarau laksawng I Cor 12, Rom 12:6- Efe 4:11-12, I Pet 4 Thlarau theitlai Gal 5:22-23 zongah a um ko hnga, kan Pathian hi kan mah nih nuam kan ti ning sawhsawh siloin amah duh ning tein abia tu zumtu pumpak kan si ding hi Bawipa duhmi a si. Credit: Abraham Aungte