Kyaw Kyaw a thihnak cungah Tayagone khuami pawl lungfahnak leh ruahnak.

Sagaing Ramṭhen, Kalay Peng, Tayagone khuami Kyaw Kyaw cu 28/2/2020 ni ah Mizoram, Lawngtlai District, Sangau khua Young Lai Association (YLA) President le anau le minung (6) nih a vuak ruangah a thimi a si i kan ngaih a chia ngaingai.

YLA nih an thah ruangah a thi komi, atu tiang an tuahsualnak an phuan duhlo pinah atanglei bantuk in bia le hla a um mi cungah Tayagone mipi kan lung a fak ngaingai.

1. Bom a puahmi hna hi Fela le a fale pahnih, cun Kyaw Kyaw an dihlak in minung pali an si. A dang minung pathum dantatnak le hremnak pe loin Kyaw Kyaw lawng thi lakin an hrem.
2. A umnak Fela nih voi tampi YLA kut in a thi ko tiah a chimcangmi a hnuah a peh ṭhan i amah zawtnak in a thi tiah a chim ṭhan.
3. Hringtu a nu le chungkhar nih Postmodem rak tuah uh an ti buin le nan duh lo ahcun ramri ah ar uak rak phakpi ulaw kan rak lak lai an ti ko buah chungkhar duh lo buin a rak an phum.
4. Congthia khuami a ruak lak kan fial hna nain an pe duh hna lo an rak hrocer hna.
5. Atutiangah an sual iphuang duh loin thiam an i coh i a thimi Kyaw Kyaw tu a sual an kawl peng.
6. Anmah lila nih a dam lo an ti buin khuasik lakah ngadaa la dingin hramhram in ti an pil ter.

A dang tampi a um ko nain, kan chim cawk lai lo. Ningcang lo tukin an thahmi a si tikah khuami dihlak kan lung a fak i, kan ngaih a chia. Bia dik le bia hman a langh hlanlo a herhning in ṭaan lak kan i tim.

Khuachak-khuathlang kan i pehtlaihnak a horsuan lo nakhnga, khuachak-khuathlang Laimi dihlak le vawleicung hmunkip a um mi Laimi dihlak nih biatakte in ṭaan kan lakpi cio dingin khuami dihlak nih kan in sawm hna in kan nawl hna.

Kyaw Kyaw a thihnak kongah Tayagone Youth Fellowship (TYF) ngaihchiatnak leh ruahnak.

Sagaing Ramṭhen, Kalay Peng, Tayagone khua i a ummi Pu Dar Hei (tleicia) le Pi Cipen hna i an fapa pahnihnak Val. Kyaw Kyaw cu December 28, 2020 i a thihnak konah nihintiang biadik a langhkhawhnak rih lo caah TYF nih kan lung ṭhatlonak kan langhter.

Tayagone khua cu Kawl lakah a ummi kan si nain Miphun a tlaihchanmi le miphun a dawmi khua kan si. Kalay-Kabaw Chin Funtomnak Bu (CTB) nih bochan ngai ve mi khua zong kan si i kum 2017. 11-23 International Chin Christian Youth Conference (ICCYC) Lawngtlai khuapi zongah CFB minin Tayagone mino nih zaanghleicawi in kan rak kal. Kan zaihla laam le kan miphun dawtnak kan rak langhter ve. Khuachak-Khuathlang Chin miphun a funtomtu upa nan dihlak cung zongah lawmhnak chim cawklo kan ngei.

Sangau (1) YLA President Pu Ram Cung le a hawile minung paruk ih kan unau Kyaw Kyaw an thahnak kongah biadik an chim duh lo caah kan lung a fak kan ngaih a chia ngaingai.

Kan unau Kyaw Kyaw thihnak kongah biadih a chuahkhawh lo ahcun chak le thlang kan i pehtlaihnak le kan i dawtnak a hnorsuan hrimhrim lai ti kan zumh. Cucaah miphun a daw i a kilkhamhtu chak le thlang kan pa le kan u pawl nih fak piin hma nan lak i a rannak in biadik a chuah ding zong kan i ruahchan.

Sangau (1) YLA President Pu Ram Cung le ahawile minung paruk hna nih an thahmi kan unau Kyaw Kyaw kongah biadik a chuahhlan lo TYF nih daihter kan i tim hrim lo.