Kyaw Kyaw Thihnak Kongah A Hnu Bik Thawng

Chin News

Kyaw Kyaw Thihnak Kong Ah Mit In A Hmu Mi Hna Le Hna In A Thei Mi Hna Nih An Chimmi Hi Zoh Ti Tuah Hna U Sih! Kyaw Kyaw ruak an va hmuh lio ah hin a taksa pumpaluk chu a khawng dih cang. A kut hna zawng hi nemter khawh ti lo tiangin a khawng dih! A ruak an lak i Sangau a Pu le inn an rak phanh ah hin, Mawtaw chung in an cawi lio ah Kyaw Kyaw a hngawng cu a thlai in aa thlai ko, an zumh ning ahcun a hngawng hi a kiak theu lai tiah an zumh! Cu lawng si rih hlah, A Hnak Ruh pakhat hi a kiak hrimhrim ko rua tiah zumhnak an ngei. A Kiu zawng hi a kiak mi bantuk in a um.

Image may contain: one or more people and phone

Sihmanhsehlaw Postomortem tuah lo mi cu mit in hmuh nak le hna in theih mi lawng kha an si ko caah rinhawk an tha lo. A ruak an tuamhlawmtu hna nih hin Kyaw Kyaw a hnu lei hi a phing tuk i, zawr deuh seh tiah kan hmeh piak mi cu zei san a tlai lo tiah an ti, mit hmuh le theih nak men lawng an si cang. Tha tein siibawi te nih zohfel lo mi cutin khatin tiah chimawk a tlak lo mi an si fawn.

Kan theih cia bantukin Kyaw Kyaw a umnak hna nih hin an fa le nau bantuk in an dawt ve mi a si tikah, A pu nih Kyaw Kyaw an hrem ti a theih leh cangka in YLA hruaitu hna cu an Nupa in an va fuh cawlh hna. Cu ti cun Kyaw Kyaw a vuatu hna cu, fakpiin nan vua maw tiah an hal cawlh hna i, fak pah ko tiah an leh. Cu ti cun Kyaw Kyaw a zohkhentu Pu Fela nih cun a thai zingah cun a fale pahnih cu Kyaw Kyaw va zoh ding le a herh ding mi sii pek dingin 28.12.2020 Monday zing ahcun a kal ter hna. A fa le nih Kyaw Kyaw riahnak lo an va phanh ahcun Kyaw Kyaw cu a rak thi diam cang. A taksa zawng a khawng dih cang tiah an ti. Hika i a thihnak dum zawng hi Kyaw Kyaw nih a tuah mi a si tiah a um nak Pu Fela nih cun a chim.

An duh poah in an kan ti rih lai maw? “Mizoram a um mi hna, khuaika ah dah dinfelnak le Khrihfa nan si nak cu nan chiah lai?” Hodah a chuak lai? “Bawmh an herh tuk hringhran”. A chung thil sining nan theih lo hmanah “Kyaw Kyaw chungkhat an vansannak hi nan zoh sawhsawh ko hna lai maw?” Ther le phang buin ruak an hal hna i, Postmortem zawng an hal hna, an hro hna pinah an tlerh rih hna ti hi voi zeizatdah kan nawlh rih lai? Kawl ram i AA ralkap le Kawl ralkap karlak i a ummi bantukin an um hna! Sangau le a pawngkam khua ah a ummi Kyaw Kyaw cingla rualchan hna cu, ther le phang in an um! Thiam i coter caan a si lo, bawmh a herhmi bawmh caan a si, tiin ka bia ka donghter rih lai! Salai PK. Credit: Dongva

Leave a Reply