Atulio Myanmar Idol Season 4 zuamnak ah Host a ttuan liomi Kyaw Htet Aung nih a lungthli bia vun a phuan ve cang. A hlan ah cun Idol a zuammi hna lakah Benjamin Sum le Htet Inzali hi a rak uar bikmi hna an si tawn. Asinain a tu ah cun Esther Dawt Chin Sung tu a uar cang nak kong a vun phuan.

Tukum i judges a ttuanmi pawl ahmuh hna ning a chimmi cu” tukum Judges pawl cu Idol a zuammi pawl i thatnak lei zoh in bia an chim timi konghe pehtlaiin Judges aw i biakhiahmi cu a zuamtu pawl nih an theihthiam tuk hna nain mipi lei nih an theithiam lo. Voting in kalpi mi asi caah Judges pawl biachimmi hi biapi ngaingai. An chim rel sualmi zong tampi a um kho menmi asi. Tutan cu voting in a kalmi asi.

“Tan Khun Kyaw a tlak cu kei zong ka khuaruahhar tuk hringhran. Asinain ka chim bia bang khan tutan cu a sakmi ttha tuk a thiam tuk keimah nih vote ka pek lo zongah a kai tthiamtthiam ko lai tiin mipi ruahnak le vote an pek lo ruangah asi khomi thil asi. Kanmah zong tluang tein an sak khawh caan ahcun Vote pek itimh lo caan kan ngei ve”

” Idol a zuammi hna lakah ka duh bikmi hna cu Benjamin Sum le Htet Inzali an si zuamnak a si bangin thil a vun i thlen ve tikah kan duhmi zong ai thlen kho. Atu dirhmun ah cun Esther zong hi ka duh ngaingai. A lungthin diklak pek in hla a sak tawn ruangah duhtu a ngei chin lengmang in ka theih. Midang zong an thiam dih ve ko i pakhatkhat ttha ka ti ruangah midang an ttha lo ka tinak a si hrimhrim lo. Midang zong an ttha tuk ve ko. Moo Ler le Yaw Kee zong anmah thatnak le thiamnak a um i Aye Mya Phyo zong chim ding um lo tiangin a thiam vemi asi” tiah a ruahnak le a hmuhning a chim. Fashion