Atu tiang mipi thinlung chungah a thi kho lo i a cam peng rihmi kan naupa Tan Khun Kyaw a tlaknak aruang cu Myanmar Idol Season 4 zuamnak ah biachimtu (host) a simi Kyaw Htet Aung nih a hmuhning le a ruahning chim phuannak a ngeih ve. Tan Khun Kyaw cu a hung tlak taktak cu mipi an ngaihchia cio i an zaangfak cio. Kyaw Htet Aung nih a chimmi a tangah kan vun tar.

“Tan Khun Kyaw a tlak cu kei zong ka khuaruahhar tuk hringhran. Asinain ka chim cia bang khan tutan cu a sakmi ttha tuk a thiam tuk keimah nih vote ka pek lo zongah a kai tthiamtthiam ko lai tiin mipi ruahnak le vote an pek lo ruangah asi khomi thil asi. Kanmah zong tluang tein an sak khawh caan ahcun Vote pek itimh lo caan kan ngei ve” tiah a chim.

Top 8 a tlak zaan ah Judge Mah Phyu zeidang hlanah a chimmi cu, “tutan ah hin zeibiadah Tan Khun Kyaw sinah hin ka chim lai ti ka thei kho hrim lo tiah a ti. Mah Phyu nih achim rihmi cu, Idol aa zuammi hna cu anmah judges kutah an tlin khawhnak le tlak khawhnak nawlngeihnak tuanvo a umlonak kong a chim. Mah Phyu nih cun Tan Khun Kyaw cu hlasak a thiamning, aw chuah athiamning kongah alungtlinnak a chim a ve.