Kutkai Le Theinni Khuapi Cu TNLA Nih An Uk Cang.

Myanmar News

Kutkai Le Theinni Khuapi Cu TNLA Nih An Uk Cang. Shan ramkulh chaklei Kutkai ralkap Byuha sakhan le Theinni khuapi chung Sah-Kah-Khah 16 Headquater cu TNLA nih an laak i Kutkai khuapi le Theinni khuapi cu a ningpi in an uk khawh cang, tiah chaklei hriamtlai phu unau thum nih nizan January 7, zanlei ah phungning tein an thanh.

1027 Operation ni 73 nak ah Shan ramkulh chaklei hmunram chung Theinni khuapi ah SAC ralkap nih hram an bunhmi Sah-Kah-Khah 16 Headquater cu TNLA nih nizan January 7, zinglei suimilam 10:00 hrawng ah an laak khawh.

Cu bantuk ṭhiamṭhiam in Kutkai Byuha sakhan zong January 7, zan suimilam 11:00 hrawng ah an laak i khuapi pahnih cu a ningpi in uk a si cang, tiah chaklei hriamtlai phu unau thum nih cun an thanh.

Cu kahdohnak ah cun TNLA nih hriamnam tam ngai zong an laak khawh, tiah an langhter. TNLA telh in chaklei hriamtlai phu unau thum nih khuapi 16 an laak khawh cang. Ref: The Chin Post

Leave a Reply