Kumthar Thawngtha: AA Nih Ralhrang Sakhan An Laak Than

Myanmar News

Kyaukdaw Peng SAC Ralkap Sakhan AA Nih An Laak. Rakhine ramkulh, Kyaukdaw peng chung SAC ralkap Byuha sakhan cu AA nih an laak i SAC ralkap nih raltuknak vanlawng in bomb an thlak, tiah theih a si.

Kyaukdaw peng chung SAC ralkap an sakhanpi cu AA nih December thla in kah hram an rak thawk i 2024 January 1 ah an laak khawh. January 1 zinglei suimilam 6:00 thawk in hriamngan in SAC ralkap nih an kah pin ah raltuknak vanlawng zong in bomb an thlak, tiah theih a si.

SAC ralkap sakhan ah AA nih hmunhma thianhfelnak an tuah i cu lioah SAC ralkap nih raltuknak vanlawng in bomb zong an thlaknak kong cu ralhmai a kalmi AA ralkap pakhat nih a chim.

Pu Zing Cung: Chinram Hmunkip Ah A Ummi SAC Ralkap An Hram In Kan Bongh Cang Hna Lai — Pu Zing Cung. Chinram/Chinland chung ummi SAC ralkap pawl cu an hram in kan bongh hna lai i kan dawi cang hna lai tiin Chinland Council President Pu Zing Cung nih 2024 January 1, Kum Thar ni ah a chim.

Ram pakhat nih ralkap cu a ngeih ding a si ko nain ralkap lila nih rammi cung ah sualnak ṭha lo le thahnawnnak a tuahtu ralkap an si ahcun a hram in bongh awk le doh awk an sinak cu Chinland Council President Pu Zing Cung nih a chim.

Cu pin ah ramkhel le miphun tlukruannak a ummi Federal Democracy rampi ser ding a si i caan saupi chung hngahmi le ruahchanmi mahte khuankhan lairel ca ah dohthleng mi vialte he i bawm in rianṭuan le Federal Democracy rampi ser ding kong zong a chim chih.

Leave a Reply