Kum Ting Lo Ngakchia Nute Cu Fak Taktak In An Tlaihhrem Chinmi Zong An I Tel Ve

Sagaing ramthen Kalay peng Saikhua khua mi kum 17 nute cu Kalay khuapi ah tlangval 5 in an tlaihhrem ruangah September 1 ah Kalay khuapi palik zung ah case an tuah piak hna theih asi.

Kum 17 nute a tlaihhremtu Toungphila ah a ummi Rawl Han Mawi Pu (ေယာလ္ဟန္းေမြးဖူ), Myohla veng Tawngtha khua mi Nay Thet Lyn le Ange Lay @ Aung Kyaw Lyn, Toungzalat sang ah aummi Bawi Nei Thang @ Thang Lan hna cu an tlaih cang hna i a min theih lomi Chinmi pakhat cu a zaam tiah theih asi.

Thilcan ning cu August 8 zinglei suimilam 8:00 ah kum 17 nute cu an inn i a um lioah a tlangval Toungphila sang ah a ummi Bawi Nei Thang in phone in a chawnh i a auh i biaruah ding kan ngei tiah ati. Zarhte ni zaanlei suimilam 8:00 ah khuachung kukko kung tangin ka rak hngah lai tiin an i chim i, cuti a rak hngah lio zaan suimilam 8:00 ahcun Bawi Nei Thang i a hawi le Rawl Han Mawi Pu (ေယာလ္ဟန္းေမြးဖူ) cu khuachung i kukko tangah ahcun bike in an va kal.

Rawl Han Mawi Pu (ေယာလ္ဟန္းေမြးဖူ) in Bawi Nei Thang sinah kan rak tthlah lai a ti i bike in cun a phur i Rawl Han Mawi Pu ( ေယာလ္ဟန္းေမြးဖူ) nih a bike ah a chiahmi thei hang (ခ်ဳိရည္) cu a pek.Ta Loun da darr ( ေက်ာက္တလံုးတံတား ) lei ah an kal pi. An tlerh i, an tin lei ah an tlaihhrem.

“Lungkua lei ah an kalpi i an tlaihhrem hnu ah an chiah tak. Zaan suimilam Lungkua kalnak lam leiah hohmanh an um lonak inn ah an pahnih in an riak i voikhat an tlaihhrem chap.

A thaizing khua a van zar hlanah Nay Thet Lyn ah riantuannak Shwenaga dawm tuahnak hmai a hohmanh an um lonak hmun ah zaan 3 an riak i voi 5 an tlaihhrem. Cu hnuah Nay Thet Lyn cun a hawipa a min theih lomi mipa inn ah a kal pi i cu ka ah cun zaan 3 an riak i cu ka hmun ah cun voi 3 an va tlaihhrem.

“Johan le a hawipa nih Taung Phi Lar tlang ah an kalpi i voi khat an tlaihhrem. Tuan bantuk khan an kal tak tthan i zaantim ah amah aa thei. Taung Phi Lar lam cung a kal lio ah mi pakhat he an i tong i inn pawng tiang a rak thlah.

Cu ruangah kum 17 nute chungkhar lei an lungtling lo tuk an lungfak tuk i a tlaihhremtu Rawl Han Mawi Pu (ေယာလ္ဟန္းေမြးဖူ), Bawi Nei Thang @ Thang Lan, Nay Thet Lyn, Ange Lay @ Aung Kyaw Lyn le a min theih lomi mipa pakhat cu (ပ) 1860/2019 yazatetgyi pukmah 376 in case an tuah piak hna theih a si. Ref: Zalen