Laos ram i nu pakhat sal bantukin a rak tuah totu hna le inntang room thil chia chiahnak ah a hrengtu hna Thailand nupa hna cu naite ah khan police nih an tlaih hna tiah theih a si. Hi Laos ram i nu a ummi hi a umnak chungkhar hna hi kum tampi chung cu sal zuat bakin an rak zuat tawn tiah a konglam theimi nih an chim. A caan an velh an duh poh an tuahto ti a si.

Hi nute hi a umnak chungkhar hna sinah kum 9 chung a um cang i a um in thlakhat hnih hrawng cu a nihhlawh an pek ko nain atu tiang phaisa fangkhat zong an pe ti lo ti an chim i, ahohmanh chawn biak khawh loin hmundang te an chiah. Thailand ram Persons district, Anti-trafficking police, Major General Worawat Wattanakornbancha nih an sinum nih sal zual in a zuatu hna nupa Suchin Vipusitthikul kum (60) le a nupi Jirawadee Vipusitthikul kum (50) hna cu an tlaih tiah thawngzamhtu hna nih an tar.

Hi thil a cangmi kong an theih khawhnak a ruang cu Thailand ram Samut Sakhon district chung Krathum Ben khua ah a ummi Kijsiamokolkarn dawr pakhat ah Laos rammi nu pakhat cu a umnak chungkhar hna nih sal zuat in a zuat an duh poh in a tuah timi report nak a um ruangah atu bantukin a luatnak a hmuh hi a si. Report nak an tuahmi cu an hlathlai peng tikah nu pakhat Porn tiah an auhmi kum 21 nute cu a hmuh hi a si.

An chim ning ah cun Porn hi kum (13) a si lio 2012 ah khan Suchin Vipusitthikul te nupa hna sinah a rak ummi a si i a um ka ah cun thlakhat ah Baht-1500 an pek tawn i thla hnih thum hnuah cun a thlahlawh zong an pe duh ti lo tiah Police pawl nih cun an chim. Porn tiah an timi nute cu kum 9 chung fahnak phun kip tuar in le lungrethei vansang au in caan a rak hmang.

Note: Falam ca kan lehchinmi a si caah kan ttial palhmi le a si lo ning in kan ttial sualmi hna a um ah cun nan kan ruah thiamnak lai kan in nawl hna.