Kum 7 Nute Minute 40 Chung Ekinn Ah A Tlaihhrem A Fapa Biachim Cu Amak Taktak

Thawngpang

Australia Sydney ah Anthony Sampieri kum 55 nih ngakchia kum 7 nute cu ekinn chungah minunte 40 chung renglo a tlaihhrem tiah theih a si. November thla 2018 ah a cangmi thil a si. Asinain a tlaihhremtu pa Anthony cu thin cancer in a ngeih ruangah February 12-2020 lawngah biaceihpiaknak tuah khawh a si.

 The girl, 7, was rescued after being raped in the dance centre's toilet

 

A thil tuahmi cu a thiam lo tuknak le thil sining a chim dih hnuah NSW District Court nih nunchung thongtla dingin biaceihpiak a si. Anthony Sampieri hi rithaisii a tawng lengmangmi a si i 2012 kum ah pitar kum 60 mi a tlaihhrem ruangah an tlaih i a nun can ziaza a hung thleng i caan tlawmpal chung an thlah i cu chungah atu bantuk thil a tuah ṭhan hi a si.

Zapi hmanmi ekinn chungah rithaisii cu atawngh pah in patling video (video thurhnawm) a zoh pah. Kum 7 ngakchia nute cu hringtu a nu he Dance Stuio hmaiah a u lam a cawngmi cu an rak hngak. Kum 7 nute cu ekinn chungah cu a va lut i cu Anthony nih cun a va luh hnawh i a kut a thlak hnuah a tlahhrem. Au kho lo dingin ca in a kaa cu a huh i minute 40 chungte bak a sualpi hi a si.

A nu cu a thinphang a khuaruahhar in a um i a fanute cu a kawl i pakhat Nicola Gilio cu a fanute kawlpi dingin a sawm i a fanute cu an kawl. Nicola Gilio nih ekinn pawngah Anthony Sampieri cu thih le hnai he a um cu a hmuh i a lunghrinh cawlh i a va tlaih i an i vua beh. Anthony nih Gilio cu nam in a sawh i cucu mipi nih an rak hmuh i an tlaih. Nicola Gilio cu hliamhma tuar in siizung ah an tlikpi cawlh.

Kum 7 nute cu ekinn chungah thi le hnai he aiciah ko cu an hmuh i hliamhma faak ngai a tuar i siizungah an tlikpi cawlh ve. Anthony Sampieri cu tlaihhrem case le thahnawn timhnak case in an tlaih i biaceih zung nih nun chung thongtla dingin biaceihpiak a si.

Anthony Sampieri fapa Daniel nih a pa nun chung thongtla dingin biaceih zung nih biachahnak an tuahpiakmi kongah a chimmi cu ” Ka pa cu nunchung thongtla dingin biaceihpiak a si caah ka lungtling tuk. Uico nih thisen a ei hnuah thil dang a ei duh ti lo bantukin Anthony zong remh khawhmi minung a si ti lo” tiah a chim. The Sun

Leave a Reply