Soisel si loin hmuhning a si. Chinram ah NLD nih kum 5 an hruai chungah Dr Sasa nih a lungtling ngaiin a chim tawnmi cu fim cawnnak kong a si. Cucu kan i lawm cio ve ko nain quatity nakin Quality kan duh deuh. Chinram ah siangniamruun pawl kha mulun an pek hna i mulun kha sianglairuun an pek hna i sianglairuun kha siangsangruun an pek hna i kan i lawm nain quality a tha taktak maw ti kan ruah a hau.

Cucu Dr Sasa nih a chimhmi a si caah ka tahchunh silo in Chinram Sianginn umti ning hoih in chimh ka duh caah a si. Thantlang peng ka si nain a dang kong ka thei lo nain kan khua ah siangsangruun (tthen) kan hmu i kan i lawm nain saya/mah aa zat in an kan pek lo. Hakha peng khua kip cu ka phan i anmah le an sining tlukin cachimtu an pek hna lo tikab harnak an ton than.

Siangniamruun mha sianglairuun an pek hna i lawmh cu a um nain cachimtu an ngeilo ahcun santlaihnak a ngei hnga maw? Khuami nih thlahlawh pek in fialchawm an tam nain khuate sifak caah kum hnih/thum pehzulh in fial cu sining nih a pek lo a tam. Khuakip ah sianginn cu an kan thanchoter mi cu a lo ko i quantity cu an thatter nain quality an zoh ti lo. Hakha peng ka tlawnmi khuakip ah cachimtu an chambau dih. Ziah cozah nih thlahhlawh pekin a chiahpiak bal hna hnga lo ka ti tawn.

Siangniamruun kha sianglairuun, sianglairuun kha siangsangruun ah le siangsangruun kha sianghleiruun ah pek cu kan i lawmh rualrual in cahchimtu cozah in aa za in kan chiahpiak ve hna seh ca. Cucaah fimthiamnak kongkau ah quantity nakin quality hi a biapi deuh ah kan chiah a hau. Quatity ah kan thancho bamtukin quality zongah kan thancho khawh nakhnga cachimtu aa za in kan pe hna seh khua rethei hau loin.

Khuate tampi cu tangsarih mulun sianginn ah cachimtu minung 3-4 tluk lawng a simi an tam tuk. Khuami nih hlanpiak chom a haumi an si nain khuate kan caah a fawi lo. Cucaah Cozah nih thlahlawh pekpiakmi cachimtu tha le aa zaa in kan pe hna sehlaw Airport ngeihin a rannak in Mandalay le Yangon kal nakin Airport kan ngeihmi nih kan ram ah kan herhmi thil a phannak lam kawl a hauh bangin a herh hmasat bikmi le midang bochan pengin taqh haltu si loin mahte in a dir i mahte in tawh aa tlaitu kan si hi kan i hmuitinh le pasal/nusal kan rian a si.

NLD nih Chinram ah sianginn tampi quantity an kaiter bangin Quality an kaiter zong a biapi. Sianginn tampi karhter in cachimtu aa zaa in pek ttung lo cu rawl ei sawm in a takin rawl suahpiak duhlo in ttinter than he aa lo. Cucaah Chinram caah chinmi hleiin a ho miphun dang nih an ttuan lai lo. Mifim le bochanmi hmanh nih zei tik hmanhin chimh hna sehlaw Chinram le Miphun dirkamh in Policy fekfuan ngeimi cu Chin Party an si peng ko. Cattialtu: Salai Pathawng