Kum 4 nute a tlaihhremtu Laipa Pa Cung Bik Biaceihzung nih dan an tatmi kongah ngakchia nute a nu a biachim

Chin News

Hakha, Khuathar khuasa kum 4 ngakchia nute a tlaihhremtu Myat Thu Aung (Pa Cung Bik) cu thla thum hnu ah, Hakha District Biaceihzung nih Tlaihhrem Upadi Pohma 376 in kum 10 thongtla dingin biachahnak an tuah piak tiah thawng kan theih.

Image may contain: one or more people, people standing and outdoor

Tlaihhrem a tongmi ngakchia nute i a nu nih, “Thong an thlakmi cungah ka lungtling ko, aruang cu amah hi kan ral zong asi lo. Cun, hi nak fak deuh in dantat hna seh ti ruahnak zong ka ngei lo, kan duhmi cu aa tlak ningin dantat hi a si ko. Upadi ningin hma an lakmi hi kan duhmi asi, biaceihtu zong nih kanmah chimmi le anmah chimmi a ruah hnu ah asi taktakmi si tiin upadi ningin dan a tatmi si,” tiah Chin World Media sinah a chim.

Image may contain: one or more people, people standing, tree and outdoor

Kum tlinglo ngakchia nute cu July 27, 2020 ah tlaihhrem a tong, a tlaihhremtu pa Myat Thu Aung cu August 24 ah case an tuahpiak, September 28 ah case an zoh piak i nihin October 26, 2020 ah thong an thlak hi si.

Image may contain: 9 people, people standing and outdoor
Hakha mino,CHRO, Social Affairs Zung

Hi kongah Chin Human Rights Organization (CHRO) Program Director Mai Thin Yu Mon nih “Hi bantuk thil hi voi 1 a um/can cang hnu ahcun, um ṭhan a fawi te cang. Cucaah, voi 1 a um cangka in upadi ning tein dantat khawh ahcun a hmalei ah a um ṭhan ti lo dingin tampi a kham khawhmi si. Thil tampi cawn ding a um.

Image may contain: one or more people, car and outdoor

“Victoria case lebang hna kha cu kum 1 leng a rauh pinah a tlaihhremtu pa zong a tlau bantukin um. Tutan Hakha thil cangmi hi cu caan rau lo te ah a dongh tiang dan an tat khawh caah a hlei khun in biaceihzung lei rianṭuantu pawl cungah siseh, free tein thinlung le taksa in thazaang a kan petu le a kan bawmtu Coza nih a kan pekmi Legal Support Team committee cungah kaa lawm tuk hringhran,” tiah Chin Human Rights Organization (CHRO) Program Director Mai Thin Yu Mon nih a chim.

Hakha district chungah kum tlinglo ngakchia tlaihhrem hi kum 3 chungah voi 5 a um cang i kum 20 cio thong an thlak hna i 2017 ah kum tlinglo tlaihhrem a timtu cu kum 10 thong an thlak. Chirhchan: Chin World

Admin hmurka: Chinworldnewsvening nih thawngpang kan ṭialmi hi kanmah nih kan phuah cawpmi kan ṭialmi a si lo. Mipi sinah adikmi thawngpang zamh hi kan i hmuitinhmi a si. Cun, thawngpang kan ṭialmi hi areltu mipi caah ṭhathnem santlaih, theihtleih ṭha siseh ti hi kan i hmuitin bikmi a si. Asinain, minung kan ti cu tlamtlinlonak tete zong a kho mi a si caah thawngpang kan ṭialmi kan palhnak a um  cun theihter khawh peng kan si.

Mipi sinah thawngpang thlazamh piak na duh si cun zeitik caan paoh kan i thlahzamh piak khawh zungzal hna. Kan thawngpang ṭialmi kongah, pehtlaih a duhmi nih Salai J Vanduhthar Lahnin ah pehtlaih khawh peng kan si. Cun, kan ca a kan rel piaktu nan dihlak cungah kan ilawm. Upatnak he Admin

Leave a Reply