Thailand ram i nu pakhat kum 13 nute cu pa 6 nih an tlaihhrem i a ningzah tuk ruangah le a cung i tling tlungmi cu a lungfah tuk ruangah amah le mah nunnak ai la tiah theih a si. Hi tlaihhrem a tongmi nue hi amin ah Pinkie ti a si i amah le mah a thah hlanah a hawinu sinah cakuat a ttial tiah theih a si fawn.

Local News pakhat nih alanghterning ah cun Facebook zongah thil postmi a ngei tiah a chim ve. Pinkie nih hin ca a post ning zoh tikah nau pawi hlah sehlaw cu hibantuk in a nunnak ai la lo. Asinain nau a pawi buin hiti bantukin tlaihhrem a tongmi cu a lungfak tuk hirnghran ti a ttial.

A hawinu sin a cakuatmi zoh tikah Palik nih an chimning ah cun Pinkie nih hin mah le mah nunnak i lak cu a ttha hnga maw tiin faak piin khuaruahnak a ngei ti ve tiin an chim i a nunnak aliam cangmi a hawinu min tiang a langhter ti a si. Hibantuk in Pinkie cungah an tuahmi thil cu mipi an lungfak in an thinhung ngaingai ti a si.

A rauh misual hna zong tlaih hna seh tiah mipi nih an duhnak an chim len ve. Palik lei nih an chimning ah cun misual hna hi zeiti lei hmanh in ngaihthiam an si lai lonak le a fah khawh chung faak in hrem an si lainak an chim ve. Source: Thairath