Kuhchah Khuami Tlangvaal Lian Za Thang (Khupchon) Nih Thangzang Khuami Velh A Tongmi Pa Ngun Dawt Sing-200000MMK Bawmhnak A Peek Ṭhan
Naite ah Hakha ah a ummi Thang Zang khuami pa Ngun Dawt (kum 15 tluk) cu Hakha a ummi vemi Tiphul khuami Tlangvaal Rual Bik Thawng le a hawile nih an velh. Cuti an velh lio Video cu social Media ah a hunglinsa ngaingai. Cun, velh a tongmi Ngun Dawt hi ngakṭah a si ti cu aho paoh nih tiah theih cio cangmi a si.
Ramchung, ramleng nih an velhnak video cu hmuh cio le zoh cio a si tikah, an zaangfak cio. Cheukhat nih anmah le si khawh tawkin bawmhnak an peek cio. Tutan zongah Kuchah khuami tlangvaal Lian Za Thang(Khupchon) nih June 06|18|2020 ah ting 200,000MMK bawmhnak a pek. Cu a pekmi bawmhnak cu Ngun Dawt a Pu nih lunglawm tein a cohlan tiah kan theih.
A cunglei ah kan langhter bangin tlangvaal Lian Za Thang (Khupchon) nih velh a tongmi Ngun Dawt cu June 06|18|2020| ahkhan bawmhnak voikhat ting 200,000MMK bawmhnak a rak peek bal cang. Tutan zongah tlangvaal Lian Za Thang (Khupchon) nih ruahnak nganpi he Ngun Dawt cu ting 200000MMK bawmhnak a peek ṭhan i zohkhenhtu Pi Zing Hnem nih lunglawm tein a cohlan tiah kan theih. Adih lakin bawmhak a peekmi hi ting 400,000MMK bawmhnak a peek. Petu cungah Bawipa nih alet za in thluachuahnak pe hram ko seh.
Bawmhnak a petu Lian Za Thang (Khupchon) konglam tawi;
Tlangvaal Lian Za Thang (Khupchon) hi Kuchah khuami a si i, atu Norway ah khua a sami (a ummi) a si. Norway ahhin a kum in kum 13 leng a um cangmi a si. Cun, amah hi Pathian rian ṭuan hram aithokmi a si. Bochan awk tlak taktak Mino a si. Mipi tampi nih a rianṭuanning le a cawlcanghning kan thei tuk lo kho men. Amah hi upatnak awk tlak taktak mino a si. Pathian caah tiin karhlan hram aa thok cuahmahmi a si.
Kan Laimi chungin a awṭha ko nain le hlasak a duh tuk ve ko nain, Studio luhnak a ngei lomi tibantuk pawl hna cu sponsored a tuah (bawmhnak a peek) hna. A tanglei ah a rianṭuannak a page le group zong kan chiahchih i pehtlaih khawh zong a si. Amah nih sponsored a tuahmi Pathian thangṭhatnak hla zong a tanglei ah pakhat-hnih kan rak langhter chih. Hihi Ngun Dawt bawmhnak a petu Salai Lian Za Thang (Khupchon) a konglam tawi kan langhter chih duhmi a si.
A Youtube Channel rak leng chih
Ngun Dawt an velhning le a konglam tawi;
Ngun Dawt, kum 15 tluk tlangval hi Thangzang khua mi, Pu Sang Kam (Tleicia) le Pi Ngun Taang (Tleicia) hna i an fale hna 3 lakah a hniangbik a si. Kum 2 a si ah a pa nih Malaysia ah a thih taak hna, cu tlawmpal ah a nu nih a thih taak. Halkha ah umnak a ngeih lo caah Hniarlawn khuami, Pi Zing Hlem sinah aa dormi a si.
Amah hi taang 9 a kai liomi a si i nulepa nih thih taakmi ngaktah buangro a si. A luan zarh chungah Cycle cung tluknak in a kut aa rawk caah sizung ah a hliamhma a tawl lengmangmi a si. Hi vial hi Ngun Dawt konglam kan rak langhter chih duhmi a si. Damnak tlamtling a hmuhnak hnga thlacamnak in bawm cio rih hna usih.
VIDEO timi hmehpiak (Click law) avelhnak video zoh khawh a si lai.A:
Note: Hi cabia hi Chinworldnewsevnining siannak tel loin copy na kan tuahpiak lonak lai kan in nawl duh hna.
Chinworldnewsvening nih thawngpang kan ṭialmi hi kanmah nih kan phuah cawpmi kan ṭialmi a si lo. Reference/Credit/Source ṭha tein kan pek peng lai. Asinain minung kan ti cu tlamtlin lonak tete zong a kho mi a si caah thawngpang kan ṭialmi kan palhnak a um cun theihter khawh peng kan si. Cun, pehtlaihnak tuah duhmi nih Chinworldnewsevening page ah le J Vanduhthar Lahnin timi Facebook ah pehtlaih khawh peng kan si. Mipi sinah thawngpang thlazamh na duhmi um cun zeitik caan paoh kan i thlahzamh piak khawh zungzal hna-Upatnak he-Admin