Naitan ah Malaysia ah inn dot cungin a tlak i a nunnak a liammi nungak Sui Hlei Ṭial cu malaysia in myanmar ram leiah a ruak tlunpi a si. Cuticun an rak tlunpi i, a chuahkehnak Thantlang ah an phak ah, Thantlang Covid-19 Main Committee nawlngeitu hna nih an rak kham hna.

Thantlang khuachung ah luhpi cu chim lo, Thantlan mual ah Lai phung tein a ruak vuiter an si lo. JCB in lamkam ah vawlei an cawh i, cuticun an phumter hna. Chungkhar lei nih nawlnak an tuah hnu hna ah, zaanṭim ah a ruak cu an cawh ṭhan i Thantlang thlanmual ah ṭhial ṭhan a si.

Ramchung, ramleng a ummi Chinmi kan lungfak dih cio. Cun, kan naunau Sui Hlei Ṭial bulhnak caah tiin, ramleng ummi nih bawmhnak tuah piak a si. Bulhnak caah tiin bawmhnak an tuahmi zong a chuakmi a ṭhahnem ngaingai. Bulhnak caah tiin bawmhnak an tuahmi an hmuhmi hi MMK 13,179,342  a si i , nizaan 2020 October 17 chun sml. 1:00 ah tlamtling tein a chungkhar sinah peek asi cang.

Tleicia nungak Sui Hlei Ṭial ngaihchiatnak hrawmpinak le bulhnak caah tiin bawmhnak an pekmi kong he pehtlai in The Chinland Post nih hitihin an taar langh,“The Chinland Post nih tleicia Nu Sui Hlei Ṭial (21) caah Ramchung/Ramleng Chin miphun nih ngaihchiatnak hrawmhmi (bulhnak) MMK 13,179,342 cu Hringtu a nu le Chungkhar sin ah tlamtling tein pekchanhnak tuah a si cang.

Cu lawng hmanh si loin, Norway a ummi Kuhchah khuami Salai Lian Za Thang (Khupchon) nih Tleicia nungak Sui Hlei Ṭial ngaihchiatnak hrawmpinak le bulhnak caah tiin 200000MMK bawmhnak a peek tiah thawng kan theih.

“Tleicia nungak Sui Hlei Ṭial ngaihchiatnak hrawmpinak le bulhnak caah tiin 200000MMK bawmhnak ka peekmi cu a chungkhar sinah, peek ( ap)a si cang tiah, bawmhnak a petu Salai Lian Za Thang (Khupchon) nih Chin World News Evening sinah a chim.

Bawmhnak a petu Lian Za Thang (Khupchon) konglam tawi;

Tlangvaal Lian Za Thang (Khupchon) hi Kuhchah khuami a si i, atu Norway ah khua a sami (a ummi) a si. Norway ahhin a kum in kum 13 leng a um cangmi a si. Cun, amah hi Pathian rian ṭuan hram aithokmi a si. Bochan awk tlak taktak Mino a si. Mipi tampi nih a rianṭuanning le a cawlcanghning kan thei tuk lo kho men. Amah hi upatnak awk tlak taktak mino a si. Pathian caah tiin karhlan hram aa thok cuahmahmi a si.

Amah hi ngakṭah buangro asining dihlak in a dirpi taktak tu hna pakhat a si. Naite zongah ngakṭah hla he pehtlai in hla thar a chuah ṭhan. Cun, kan Laimi chungin a awṭha ko nain le hlasak a duh tuk ve ko nain, Studio luhnak a ngei lomi tibantuk pawl hna cu sponsored a tuah (bawmhnak a peek) hna.

A tanglei ah a rianṭuannak a page le group zong kan chiahchih i pehtlaih khawh zong a si. Amah nih sponsored a tuahmi Pathian thangṭhatnak hla zong a tanglei ah pakhat-hnih kan rak langhter chih.

Admin hmurka: Chinworldnewsvening nih thawngpang kan ṭialmi hi kanmah nih kan phuah cawpmi kan ṭialmi a si lo. Mipi sinah adikmi thawngpang zamh hi kan i hmuitinhmi a si. Cun, thawngpang kan ṭialmi hi areltu mipi caah thathnem santlaih, theihtlei ṭha siseh ti hi kan i hmuitin bikmi a si. Asinain, minung kan ti cu tlamtlinlonak tete zong a kho mi a si caah thawngpang kan tialmi kan palhnak a um cun theihter khawh peng kan si.

A rianttuanak Page- Damnak Pathian timi rak hmeh piak law, thazaang rak pe ve.

Arianttuannak Youtube Channel- Damnak Pathian timi hi hmeh piak law Subsribe in thazaang rak pe ve.

Mipi sinah thawngpang thlazamh piak na duh si cun zeitik caan paoh kan i thlahzamh piak khawh zungzal hna. Kan thawngpang ṭialmi kongah, pehtlaih a duhmi nih Salai J Vanduhthar Lahnin ah pehtlaih khawh peng kan si.Cun, kan ca a kan rel piaktu nan dihlak cungah kan ilawm. Upatnak he-Admin

Note: Hi thawngpang hi Website dangah copy-paste tuah kan duh lo. Cun, phundang  in thlen riangmang in ṭialchin kan duh lo.