Kokek Ram Ngeitu Tiin Meeting Tuah Tu Hna Ningzak Taktak Nan Si

Ka nolh rih lai Kokek ram ngeitu tiin meeting tuahtu pawl ningzak khi nan si.
Nan nih nan rawh lio ah inn hmun nan hmuh, Hungnai nih palik umnak ah mah hmun hi ka chiah mi si a ti lio ah lam nan zawh.

Cu leng ah nan hmun rawk caan ah in hmun le in buaktlak in an in pek hna hnu ah a rawk cang mi nan hmun cu ျပတိုက္ caah an in hal hna ah khan ho fa nih dah nan duh naisai nan ti nan chang chih khah. Nan aw aan kha tu tiang hna thlam ah a cuang da kaw nizan a cang mi thil philh hi a tha lo hih.

Tu ah kan nih lei cu zei hmun pek ding zong si lo zei bawmh ding zong um lo a lak in kan sungh ding mi ah kan nih ram ngei mi nih kan theih pi hna lo nan ti mi cu ka ning hi nan zak. Ref: Cyrus Dasi- GRCM

Nun Chimtu Phungthlukbia Hna Le Bawmtu

Zumtu paohpaoh vanram an kai la lo, Jeush Khrih a zumtu lawng an kai la. Phuba laknak le teirulchamnak hi kan tuah a si hmanh ah, chiatnak si loin, tthatnak tuin lehrulhtu ding in forh kan si. Khamhnak cu i cemh khawh a si lo nain, thluachuahnak cu nu le pa ruangah co khawh a si. Kan fa le nun a thlengtu hi, chungkhar thlacamnak a si. Nungak le tlangval ciocio Pahtian ngaihsak le saklo cu kum a ruah hlan teah an ai thok i ai hliah tawn.

A luancia caan i an zohkhenhtu le an cawmtu Pathian hi lunghrinhnak ngei hna hlah u sih. Zumtu hna i pumhkhawmh hi Satan nih a hnahchuah tuk ruangah, hnahnawhnak le buainak chuahter ai tim peng tawn. Khrihfabu i buainak le harsatnak pawl hi, umter loin Pathian tu hi umter peng hna u sih.

Kan i pumpeknak hi a sunghlawi tuk ko nain, cu nak in a sunghlawi deuhmi cu i sum bak loin i pumpek thai hi a si. Pathian hngatchan i karhlan cu, a hnuah chim cawk lo lunglomhnak in khahnak a si. Intuar khawhnak a ngei lomi zumtu cu a puitling kho taktak lo. Zumh ngamnak le thlacamnak nun a umnak hmunah Pathian thil ti khawh tthawnnak a lang ttheu tawn. Ref: Thomas Sui San Lal