KNDF phu hna nih ralhrang hna an cimih dih hlan tiang kan doh lai caah Kayah ramkulh(Karenni ) ah kahdohnak cu atu nakin a tam deuh lai caah ralhrang kuttang um mi rallokap hna a caan a tlai hlan te ah hin mipi lei ah i fonh ding in September 8 tuni ah Karenni mipi vengtu ralkap phu nih an nawl hna.

Karenni ramkulh chungah ralhrang le KNDF kar ah kahdohnak cu thla 3 chung leng chung a um i sualnak ngei lo mipi hna inn le lo thilri nunnak hna an hrawh/lak i mipi veng tu ralkap hna zong an thih bantukin Ralhrang lei in tampi an thi ve tiah KNDF nih a thanh. Mah thawngpang hi cu lungtling bak movie azeih i minta lei nih chance khat an pek mi bantuk khi alo.

Uknak tha lo hi kan hrawh lai i Federal Union ser khawh nak ding ah KNDF nih dothlennak kan tuah nak le ram chung ah kum 60 chung hriamnam i bochan in mah ca lawng ruat in nawlngeihnak cu duh poh in a hmang mi ralhrang le a mah lei tang poh cu kan doh hna. Hi dothlen nak hi aran khawh chung in a dih nak hnga mipi lei ah tang ding in le mipi hna he hmunkhat ah a dir mi miraltha ralkap hna tiah conglawmh nan si lai tiah KNDF hruaitu phu nih an thanh. The Chin Post 

Thawngdang NUG nih D-Day a thanh mi kong ah tlangcung hriamtlai hna hmurka NUG nih September 7 zinglei sang i Myanmar ramhuap D-Day a thanh mi kong ah tlangcung hriamtlai phu hna an dirhmun kong VOA nih biaruahnak a tuahmi hna a tawinak in kan vun leh. Colo nel Naw Bu KIO Kan nih KIO Central Committee nih cun NUG nih D-Day a thanh mi kong ah ruah ning, cuanh ning le biakhiahnak pawl kan tuah rih lo. Central Committee lei nawl peknak a um rih lo ca ah zeihmanh kan tuah rih lonak hi a si tiah a chim. Major Ta Aik Kyaw (TNLA)  Cunglei nawl peknak a tlak rih lo ca ah kanmah lei zong zeihmanh timhlamhnak le biakhiahnak tuah mi kan ngei rih lo.

Cun NUG nih a thanh mi kong ah Meeting i auh ding le i caihkhan ding ngeih ding le ngeih lo ding kong ah TNLA telh in AA Le MNDAA hriamtlai phu phir 3 hna zong biakhiahnak an ngei rih lo. MNDAA nih cun, “Cathanh le biakhiahnak an tuah rih lo nain mizapi lei ah dir an i timhnak kong an phuan. NCA kahdoh nak ngolnak min    sen a thu mi tlangcung hriamtlai phu 10 hna remdaihnak lei ah hruaitu PPST zong nih Online in meeting an thu nain NUG thanh mi kong ah caih khan mi an ngeih lonak kong an chim.NUG cathanh kong ah PPST lei nih tuchun September 8 hi biakhiahnak an tuah kho men.

Cun KIO hriamtlai phu lei in Colonel Naw Bu nih NUG nih a thanh cang tik ah zeitik caan poh ah kahdohnak a chuak khomi a si. Cu a si ca ah mizapi zong nih mah le umnak hmun ah tling tein kan him khawhnak hna i ralring taktak kan hau ko tiah a chimchap. NCA min sen arak thumi hriamtlai phu 10 remdaihnak hruaitu PPST nih NUG he i fonh ding le fonh lo ding kong ah mah le hriamtlai phu in biakhiahnak tuah ding in nawl a serpiak hna,” ti hmuh a si.