North Korean Leader Kim jong Un le a kut tangmi hna nih Joe Biden president a tlin lawmhnak caah tiin submarine launch Nuclear ballistic missiles thar ‘ pukguksong 5 ‘cu Thursday ah khan military parade ah vawleipi hmuh khawh dingin a vun chuah tthan cang.

President Donald Trump nih North Korea nih missiles a test ttan a si ahcun an ram vialte vutcam ah ka canter dih lai tiin warning a rak pek i, mah hnu thawk cun North Korean Leader Kim jong Un nih Nuclear parade a ngei ti lo. Caan saupi dai tein a um hnu ah zan ah khan Kim II square ah missiles, US analyst chimnak ahcun Japan tiang a kap kho mi cu a vun langhter hi si.

Tutan i hi cu 2019 lio i an test mi ICBM US tiang a kap kho mi cu si lo nain, short range, submarine in kahmi tu a si, a sinain a ttihnunnak thazaang tu cu an i khat. North Korean coast hmun in Japan a kah khawh i, a phurtu submarine he Atlantic rili ah an kal ahcun US mainland tam deuh cu fawi tein a kah khawh dih ti nak a si.

Relchih: Democratic Party, liberal ruahnak deuh in a kalmi, thuk piin le kau piin a kalmi, mi zapi ca a ttha ding in khua a ruat i daihnak le remnak a duhmi, hmunhma le vawlei cu a kau deuhdeuh lai i Republican Party, conservative ruahnak deuh in a kalmi, ruahnak bituk le mi tlawmte ca lawng a ruatmi, ruahnak hlun le chanhlun a tlaih chanmi, a puarhrang mi, vawlei le hmunhma cu a bi deuhdeuh ve lai.

Democratic party i rianttuan dan le kalpi ning cu Pathian nih a fapa, Bawi Jesuh hmang in vawlei cungmi vialte caah rian a ttuanning he a lo/a khat. Cuve bantuk in Republican party i rianttuan dan le ruahnak le kalpi ning cu Pathian nih Biakam hlun chung i a thimmi hna, Isarel miphun ca lawng bak i rian a ttuan ning he a khat/a lo ti khawh a si. Asinan Pathian nih cun a fapa pek kan si te lainak kong cu Biakam hlun chungah a rak phuang cang/a rak chimchung cang, a profet hna hmang in. Credit: Van Tum