Kim Jong Un A Thi Timi Kongah North Korea Thawngzamhtu Nih Zeihmanh An Chim Ve Lo
Admin|| 04 Vaupi 25-2020|| North Korea supreme leader Kim Jong Un cu thawngzamhtu hna (Media) nih a ngandamnak a ṭhat lonak kong thlah le thanh cio a si. Asinain Kim Jong Un kongah anmah North Korea thawngzamhtu hna nih a ngandamnak a ṭhat le ṭhat lo zeihmanh thawngthanhnak an tuah ve lo an holh lo dai tein an um.
South Korea online newspaper Daily NK nih cun President Kim Jong Un hi cardiovascular system procedure in zohkhenh a si nak cu a thau ruangah le kuat kuk ruangah le rian a ṭuan tuk ruangah zohkhenh a si nak hi a si tiah an tarlangh ve.
Vaupi 15 ah North Korea miphun pacan pakhat a simi chuahcam tuak lawmhnak ah President Kim Jong Un hi a kal ve tiin thawngzamhtu cheukhat nih an tarlangh ve. US National Security Adviser Robert O’Brien nih cun US nih President Kim Jong Un kongkau hi thawngpang dik an kawl le an hlaithlai cuahmah tiah a chim ve.
US President Trump nih a chim vemi cu “President Kim Jong Un he hin kan i pehtlaihnak a ṭha tuk,” tiah a chim ve. Cun a ngandamnak kongkau he pehtlai in a chim chap rihmi cu “President Kim Jong Un hi a ngandamnak a ṭha ko lai ka zumh.Thawngpang kan theihmi hi ahmaan le hmaan lo ka thei rih lo i a dirhmun kongah thawngpang dik le hmaan tuan ah kan theih lai tiah ruahchannak ka ngei,” tiah a chim chap. Credit: VLN
Note: Chinworldnewsvening nih thawngpang kan ṭialmi hi kanmah nih kan phuah cawpmi kan ṭialmi a si lo. Reference/Credit/Source ṭha tein kan pek peng lai. Cucaah thawngpang kan ṭialmi kan palhnak a um cun theihter khawh peng kan si. Chinworldnewsevening page ah pehtlaih khawh peng kan si. Mipi sinah thawngpang thlazamh na duhmi um cun kan i thlahzamh khawh piak ko. Cun J Vanduhthar Lahnin ah hin pehtlaih khawh zong kan si.