KIA nih Kawl Ralkap Sakhaan An Luh Hnawh!

Myanmar News

The Chin Journal: KIA nih Myanmar Ralkap Sakhaan an Luh Hnawh! Nihin March 11 zinglei sml. 3:00 hrawng ah Kachin hriamtlai KIA nih Sagaing-Kachin ramri Sesin khuate pawng i Myanmar ralkap sakhaan an luh hnawh i Myanmar ralkap ralhriam tampi an chuh khawh hna. Kap hnih kahdohnak ah a thimi an um le um lo theihfian a si lo. Source: BBC

No photo description available.

Relchih: Tlanglo ah a riak mi Ralkap Tio ah tum than an i tim tiah khuami sin in thawng theih! Nizaan March 10 ah CNF Camp Victoria ah a kal mi Ralkap cu zahan Tlanglo khua ah an riak i nihin ah Tio ah tum than an i tim tiah khuami sin in thawng kan theih. Hi kong he pehtlai in Tlanglo- Tlangpi khua upa nih “Zahan Tlanglo ah a riak mi Ralkap kha atu hi Tio ah tum than an i tim tiin kan zumh hna. An cawlcangh le an i ceih ning kan zoh hna ah tum than an i tim tiah kan ruah ko.” tiah The Hakha Times ah March 11 chun 10:45 ah a chim.

“Tuzing tiang kha cu CNA lei in tuanvo ngei pahnih nih an umpi hna nain anmah zong tuzing ah an tum cang. Thil sining kan fiang lo nain khuami cu ramleng chuak lo ding le ralring ding in kan chimh hna. A zeimaw cu motorcycle in Thantlang leiah a van zaam mi zong an um hna” tiah a chimchap. Hi kong he pehtlai in CNF/CNA tuanvo ngeitu kan van pehtlai kho rih hna lo. Thawng fiang deuh pehzulh in thanh than khawh kan van i zuam lai. Credit: The Hakha Times

Leave a Reply