Khuaruahhar Taktak Si, Thingkung Ah Jesuh Muisam An Hmuh- Video: Khuaruahhar taktak khi si ko vedio zoh tikah. Colombia, Magangue khua chung ah a um mi thingkung ah Jesuh hmuizam an hmuhnak kong cu Dailymail ah an tarlangh. Colombia ramchung ahhin Covid-19 zawtnak a ngeimi 1,579 le mithi 46 an um cang. March 24 khan Colombia ram cu khar a si i, April 27 tiang leng chuah khawh si lai lo.

Tuzarh Pathian ni hi April 12 hi Easter Sunday asi bantukin Colombia ram ahcun tu zarh chung hi an sunhsak ngaimi asi. Khrihfa ram asi bantukin mah le inn hmai cio ah thlacamnnak an ngei cio hna. Hi thil a cannak cu khar (Lock-dwon) asi hnu ni 4-nak March 29, zarhpini zan ah thil zuar pakhat nih thinkung ah Jesuh hmuh tikah pawngkam minung pawl cu a chim dih hna.

Thil sining an theih cio tikah Lock-dwon asi timi hmanh thei kho ti loin thingkung ah Jesuh muisam a cuang mi cu an zoh. Minung tthenkhat nih phazawngden (candles) an van i hmun thianghlim a si tiin thlacamnak an ngei. Vawleicung in hi Covid-19 zawtnak a dihnak ding le an khua Magangue a him khawhnak dingah thlacamnak an ngei.

Zandang ah hi bantuk thil an hmuh bal lo ruangah mipi cu khuaruahar taktak in an um cio hna. Cu ti mipi an tam tikah hmaihuhnak (mask) zong an i vuah lo caah mipi a pum mi pawl cu police nih an lawiter cio hna. Thil zuar Rafael Rodriguez nih a chim mi cu, “Thing cross i Jesuh thih lai bantuk te khan asi,”tiah tualchung thawngthanh El Propio de Magangue sinah a chim. Video zohchih. hi ka hi hmet law video um lai.