Rampi hruaitu dingah Pathian chiti thuhmi Henry Van Thio 1989 Kachin ram Hupin khua (Bohnih) a ttuanlio ralram an kalnak dingah Ral thaazaang 1000 renglo nih zarhkhat chung an rak bawh hna. Ralbawi ngan minung (6) le ralkap (105) an zapi ( 111) an si. Lamhruang an ah hna nak hmun an phak hi zanttim a si. Cuka cun vok erh in an erh hna i khuadei deng tiang sumphomh in an phomh hna.

A ruksai le a lukhuh zong choiviar in an kah. Ralbawi dang a nung in an tlaih dih hna i ralkap tampi an thi. A mah le ralkap minung (4) lawng an luat. Meithal kuanlak in a vengtu cu Thiang Thlarau chiti a si. 2015 June thla ah Rgn in Hakha – Than Tlang ah thiimnak icuh ve ding in a hawi le he an tlung. Lamcimh le harton lio a si caah LungCawi ah an motor an chiahta i ke in an kal.

 

Zokhua le Hakha kar lamharnak chengpalang ah an ikhaap cuahmah liopi lungrethei le vansang au in anum lio ah a tawhrolh zal chung aa senh mi a cell phone a hong ring. A van laak i a zoh bakah ‘ salm 23 chung Bia” kha music he hla he a mah tein aa chuah. Cucu a hawi le he hla a dongh tiang an ngaitti hna. Bawipa nih a kan umpi i lam a kan hruai ko timi an ifiang i thaanuam tein an khuallam an peh.

David cu Samuel nih chiti a thuh hnu ahcun Vom le Chiandeih zong a thah hna i Ralngan Mitthawng Koliat zong teinak a pek. Bawipa nih uktu le nawlngeitu dingah aa thiim i chiti a thuhmi Chin Pasal ṭha cu dirpi ko hna usih. William Za Hum Thang

By Rolian: Vice President Pu Henry Van Thio bantuk in a thianghlim mi politics tuah khawh zuam hna usih. 2020 thimnak he pehtlai in Vice President Pu Henry Van Thio zong Zahnak tlang khuakip ah October 30-31 tiang zan khat riak in a um kalnak ah khuami lungput zoh tik ah lung ahmui ngai ngai.

Khua kip nih hlunghlai taktak in an don, an zoh khenh. Khuakip mizapi he tonnak ah mizapi hrimhrim nih a bia ngaih an duh. ngakchia in tar tiang nih a bia ngaih ding in an telpi. Thil sining diktak a chimh hna tik ah mipi zong nih an i lunghmuih khun.

Vice President Pu Henry Van Thio zong mipi nih bia halnak an tuah ve. Party soiselnak le midang soisel lo tein lehnak a tuah hna. Zanhnak tlang khua cheu khat ah Party dang tampi nih thil si lo ningin le Vice President Van Thio pumpak soiselnak hmang in ramkheel an raktuah mi zong tampi a um. Asinain Van Preisdent Van Thio cu thianghlim tein politics tuah a duh mi le aa zuam mi a si caah Party dang soiselnak le pumpak soiselnak ka khat hmanh hmang lo tein a chimrel tik ah mipi nih an i lunghmuih khun.

Miphun le ram kan dawt ruang ah midang soisel le lih in mipi sin ah vote a kawl mi an tam. fiang te chim ko ning law, Party dang le candidates dang nih NLD kong le Vice President kong hi a si lo ningin politics an tuahnak zong tampi kan i ton. Lih in politics a tuah mi cu khua le ram, peng le tlang caah ral ngan taktak a si. Mipi tampi nih biadik le thildik an theih cang caah mipi zong nih Vice President le NLD cungah zumhnak nganpi an ngei. cu nih a langhter mi cu dinnak lwng nih teinak a hmuh tihi a si. Source: The Voice Of Democracy