Khuaruahhar Ngaimi A Simi Thawngpang Falam Khuapi Ah A Cangmi Thil Minung Fa Hibantuk Hna Kan Um Cu Mak Ngai

Chin News

Zuri pa pakhat nih Tlangzar vokpi tlaihhrem a timh. 2020 January 26 suimilam 8:20 pm ah zuri tlangval pakhat nih Falam peng Tlangzar khua i Pu Mawng Hlah vokpi tlaihhrem a timh tiah kan theih.

Hi kong he pehtlai in vok ngeitu Pu Mawng Hlah nih “Kan nu le ka fapa hniang pawng panh dingin an kal i, thawng an theih. An nufa in an ka auh i ka va zoh cu vokinn chung Vokpi hram ah bawngbi le chungnawh i phoih in a rak um ko cu ka hmuh. Zeiti tuah awk kan hngal lo i Tlangzar palik sin ah ka chiah” tiah a chim.

Hi mipa hi a min ah Pa Neih a si i, motor a zulmi a si. A khua, a kum, a umnak hmun a chim duh lo. Palik nih bia an ceih lai tiah kan theih.Credit-The Hakha Post (globalchinland).T hawngpang dang a tangah kan ttial chih rel khawh a si. Cun kan page like, Share le Follow nan kan tuahpiak nak lai kan in sawm hna.

Pathian Kan Zumhmi San A Tlai Ti Maw: Billy Graham Bialehnak. Biahalnak: Nihin i Pathian kan zumhnak ah zeidah thathnemnak a um ti? Vawlei hi a buai chin lengmang i, kan him chin lengmang ti lo. Pathian kan zumhnak zong nih a kan himter deuh hlei ti lo; zeihmanh nih a kan himter deuh hlei ti lo. Zeidah Pathian kan zumhnak san a tlaihmi a um?

Rev. Billy Graham: Kan vawlei hi a buai tuk cang ruang le kan him chin lengmang ti lo ruang ko cun pei Pathian cu kan herh chin lengmang fom cu! Vawlei hi a tlingmi le buainak le harsatnak ngei loin a ummi si seh law Pathian hmanh hi kan herh hnga lo. Nihin bantuk kan caan chia ahhin Pathian kan herhnak a zual chin lengmang cang.

Hitihin ka chim lai, Pathian kan zumhnak ah daihnak le himnak kan hmuh lo ahcun khawika hlei ah khin dah kan va hmuh ti hnga. Aho dah kan va fuh hlei lai? Khawika hmanh ah kalnak le fuh ding kan ngei lo. Kan nunnak hi vawleicung thilri le minung sinah kan chiah sual ahcun Jesuh nih a chim bantukin mihrut pa bantukin thise cungah inn a sami kan lo lai.

Ruah a sur tik le thlichia an hran tikah a tlu colh lai (Matt 7:27). Cucaah daihnak, ruahchannak le himnak an pek khotu Pathian hi mer tak hrimhrim hlah. Jesuh Khrih ah fek tein na zumhnak chia lengmang law Amah i bochan lengmang ko. Midang nih cun an in deuh men lai. Asinain Jesuh nih cun an deuh bal lai lo.

Jesuh Khrih he nun ti hi na nunnak hmuitinh sangbik ah chia zungzal. Pathian sinah thlacam lengmang, Bible rel lengmang law na Khrihfabu chungtel he hawikawmhnak ngei lengmang. Bible nih ‘vawleicung le a pumsak duhnak vialte cu an lo dih lai, sihmanhsehlaw Pathian duhnak a tuahmi hna cu zungzal in an nung a kan timi hi zeitik hmanh ah philh hlah! (1 John 2:17). Kan page like, share le Follw in nan kan tuah piak nak lai kan in sawm hna.

Leave a Reply